22 May 2015
18:11 - Жаҳон Банки вакиллари Ўзбекистонга келади, аммо ҳеч қандай натижа бўлмайди
Шу йилнинг 1-9 июнь кунлари Жаҳон Банкининг инспекторларидан иборат делегация Ўзбекистонга келиши ва молия институти томонидан мамлакатнинг ëнилғи-энергетика соҳсига йўналтирилган субсидиялар реализацияси, ҳамкорликнинг истиқболлари ўрганилиши расмий хабарларда эълон қилинди. Ўтган йилнинг сентябрида бошланган мазкур тадқиқот Ўзбекистон иқтисодини 2030 йилга қадар структуравий жиҳатдан ўзгартириш концепциясининг муҳим таркибий қисми эканлиги айтилмоқда.

Жаҳон Банки расмий делегацияси Ўзбекистон Иқтисодиëт¸ Молия вазирлиги¸ шунингдек Ўзтрансгаз¸ Ўзбекэнерго ва Иқтисодий тадқиқотлар маркази расмийлари ва фуқаролик жамияти вакиллари билан ҳам учрашаркан.

Қуйидаги савол туғилиши табиийдир. Мамлакатимизнинг иқтисоди ғариб аҳволда бўлиб, киши бошига Ялпи Ички маҳсулот ҳажми бўйича Қозоғистондан 8 баравар орқада эканмиз, иқтисодимизни 2030 йилга қадар структуравий жиҳатдан ўзгартириш концепцияси нимадан иборат ва унинг натижалари қандай бўлади? “Бирлик” Партияси ва “Ҳаракат” Агентлиги аҳволимизни аниқ рақамалр билан кўрсатиб берди, нега ҳукумат иқтисодимизни гўёки структуравий жиҳатдан ўзгартириш концепцияси ва унинг натижалари қандай бўлиши ҳақида аниқ рақамларга асосланган маълумот тарқатмайди? Чунки,ҳукуматнинг иқтисодимизда инқилобий ўзгаришлар қиладиган концепциясининг ўзи йўқ.
« Олдинги хабар Хабарлар рўйхати Кейинги хабар »