20 May 2015
12:43 - Бечора Путин: Япония билан Курил ороллари келажаги ҳақида диалог қайтадан бошланармиш. Абдураҳим Пўлат яна ҳақ чиқди!
Россия Президенти Владимир Путиннинг матбуот котиби Дмитрий Песков Япония билан тинчлик шартномаси бўйича диалог бошланса, буни олқишлашларини айтди, дейилади РИА Новости тарқатган хабарда. Бир оз аввал Владимир Путин Японияга расмий ташриф билан бориши ҳам мумкинлиги ҳақида хабар берилган эди. Тинчлик шартномаси ҳақида Иккинчи жаҳон уруши тамом бўлганидан бери гапирилса ҳам, руслар буни истамасдилар. Чунки, японлар айнан шу шартнома доирасида Курил оролларини қайтариб олиш ниятида эдилар.

Бечора Путинни тушуниш мумкин. Россияга қарши Украинадаги воқеалардан кейин киритилган санкцияларда Япония фаол иштирок этмоқда. Бу санкциялар натижасида эса, Россиянинг иқтисоди чўкмоқда.

Эслатиб ўтиш керакки, 2008 йилдаги Россия-Гуржистон уруши пайтида Ғарб тамомийлар Гуржистон тарафида турган бўлса ҳам, Япония ўзини четда тутишга ҳаракат қилганди. Япония раҳбарлари Курил оролларини Россиядан тинч йўллар билан қайтариб олишга умид қилиб, бу давлат билан алоқаларни ёмонлаштирмасликка ҳаракат қилганларини ҳар қандай ақлли одам тушунарди.

Айнан ўша урушдан кейин “Бирлик” Партияси лидери Абдураҳим Пўлат ўзбек ва рус тилларида “Кенигсберг-Курил муаммолари ва Россия- Гуржистон уруши” номли мақола эълон қилиб, жумладан, Япония Курил оролларини қайтариб олишни ўйлаётган бўлса, бу каби конфликтларда Ғарб тарафида туриши, Россияга қарши очиқча чиқиши кераклигини урғулаган эди. Бу мақола русларнинг “Марказий Осиё” ва гуржиларнинг “Грузия-Online” сайтларида эълон қилинган. Яъни, уни японлар ҳам ўқишганига шуюҳа йўқ.

Мана ҳозир японлар айнан Абдураҳим Пўлат таклиф қилган йўлдан бориб, Курил ҳеч қачон японларга қайтарилмаслигини гапириб келаётган Путинни тиз чўктиришга эришиш йўлидалар. Курилни қайтариб олиш учун японлар бундан ҳам кескинроқ ҳаракатлар қилишлари керак. Кўринишидан, айнан шундай қиладилар ҳам.
« Олдинги хабар Хабарлар рўйхати Кейинги хабар »