26 November 2004
04:00 - 20:30 - Каримов катта Викторни танлади - 2004 йилги пахтачилик якунлари ва «Халк сўзи» иддаоси 19:30 - Сирдарё хокими хам алмаштирилди 15:00 - Абдурахим Пўлат: Украина Кремлнинг режаларини яна бир марта бузмокда
20:30 - Каримов катта Викторни танлади

Бугун Президент Ислом Каримов Украинанинг янги Президенти Виктор Януковични лавозим билан кутлади. Бу хакда махаллий оммавий ахборот воситалари хабар таркатди. Европа Иттифоки ва АКШ Украинадаги сайлов натижаларини тан олмаётган бир паллада Каримовнинг янги Президентни табриклаши хеч кимни ажаблантирмаса керак. Каримов бу табрикни «хўжайини» Путиннинг талаби билан килган бўлиши мумкинлигини хам назарда тутиш лозим.

2004 йилги пахтачилик якунлари ва «Халк сўзи» иддаоси

«Халк сўзи» газетасининг бугунги сонида Ўзбекистон кишлок хўжалигининг асосий тармоги - пахтачилик сохасидаги 2004 йил якунларига шарх босилган. Унга кўра, «...узок йиллар мобайнида биринчи марта давлатга салкам 3 миллион 540 минг тонна» пахта етказиб берилган. Шартномавий мажбуриятни (ўкинг: планни) бажариш учун 66 минг тонна, яъни 1,5 % пахта етмай колган.

Шархда йигим-терим эрта, 15 ноябрда якунлангани алохида кайд этилади.

Энг кўп пахта топширган вилоят Кашкадарё бўлиб, унинг якуний хирмони 467 минг тоннани ташкил этибди. Кашкадарёдан кейинги илгорлар: Коракалпогистон, Бухоро, Навоий, Хоразм, Жиззах, Андижон, Самарканд ва Сурхондарё вилоятлари. Булар кўшимча равишда 133 минг тонна кўп хосил етиштирганлар.

Ишни хуржун килган Фаргона вилоятида 88 минг тонна,. Сирдарё вилоятида 73 минг тонна, Тошкент вилоятида 26 минг тонна ва Наманган вилоятида 12 минг тонна пахта кам етиштирилган. Бу жами 199 минг тонна хомашёни ташкил килади.

Ялписига олганда, галабамисан, галаба! Газета бундан шавк олиб, кишлокдаги хаёт вокелигини бўяйди. У бундай иддао килади: «Айникса, адолат тамойиллари устувор бўлаётгани, мехнатга муносабат ўзгараётгани, бу эса ўз навбатида юксак самарадорлик ва моддий фаровонликка айланиб бораётгани - буларнинг барчаси бугунги кишлок хаётида содир бўлаётган кескин ўзгаришлар ва ислохотларнинг изчиллик билан амалга оширилаётганидан далолатдир».

Агар шундай бўлганда, дейди бу хусусда мухбиримиз, гўза вегетацияси ва пахта терими даврида катталар бир ёкда турсин, хатто мактабларнинг бошлангич синф ўкувчилари хам пахта далаларига сафарбар килинмаган, пахтакор хўжаликлардаги кашшоклик бошка сохалардагига нисбатан энг юкори даражага кўтарилмаган, йил бўйи кўли пул кўрмаган дехконлар иш кизгин паллада ўз кишлоги колиб, кўшни давлатлар - Киргизистон ва Козогистондаги пахта далаларида мехнат килишни афзал кўрмаган ёки мазкур давлатларга айрим шоввоз дехконлар ўгринча йўллар билан пахта сотмаган бўлардилар ва х.к. Бу рўйхатни узок давом эттириш мумкин.

Модомики, совет хокимияти давридаги «Пахта – давлатга» шиори хамон сакланиб колаётган, дехкон ўз махсулотини эркин сотиш хукуки ва имконига эга эмас экан, бошкачасига айтганда, Ўзбекистон Конституциясининг 54-моддасида ёзилганидек, ўз мулкига ўз хохишича эгалик килолмас экан, кишлокда кандай ислохот хакида гапириш мумкин?!

19:30 - Сирдарё хокими хам алмаштирилди

Сирдарё вилояти халк депутатларининг бугун бўлган навбатдан ташкариги сессиясида Ўзбекистон президенти Ислом Каримов «орган»лардан чиккан вилоят хокими Равшан Хайдаровни хам вазифасидан озод килди. Шу хакдаги расмий хабарда хоким одатга кўра «ўз аризасига мувофик» ишдан кетганлиги айтилади.

Каримов сессияда нутк сўзлаб, кишлок хўжалигида давлат буюртмаларининг 13 йилдан бери вилоятда бажарилмаётганини каттик танкид остига олган ва Равшан Хайдаровнинг фаолиятини коникарсиз деб бахолаган. Яна унинг тавсияси билан Кишлок ва сув хўжалиги вазирининг биринчи ўринбосари бўлиб ишлаб келаётган Абдурахим Жалолов Сирдарё вилояти хокими этиб тасдикланган.

15:00 - Абдурахим Пўлат: Украина Кремлнинг режаларини яна бир марта бузмокда

Украинада ўтган якшанба куни бўлиб ўтган президентлик сайловларида мавжуд хокимиятнинг ўзи конунларни оммавий равишда бузгани, унинг натижаларини эса тўгридан тўгри сохталаштирганидан кейин адолатни тиклашга интилган мухолифат тарафидан бошланган норозилик акцияларини ўзбек мухолифати хам диккат билан кузатиб бормокда. «Бирлик» Партиясининг раиси Абдурахим Пўлатнинг билдиришича, партиянинг баъзи вилоят ташкилотлари бу вокеалар хусусида партия номидан Украина мухолифатини, хусусан Юшченкони кўллаб кувватловчи баёнотнома билан чикишни таклиф килганлар.

Аммо, деб давом этади Абдурахим Пўлат, биз маслахатлашгандан сўнгра хозир бу каби кадамни килмасликка келишдик. Бунинг сабаблари куйидагича. Биринчидан, биз партия сифатида шу кунгача асосий эътиборимизни ички муаммоларга каратиб, бошка мамлакатлардаги вокеаларга, улар тўгридан тўгри Ўзбекистон билан боглик бўлмаса, расмий муносабат билдирмай келдик. Бу анъанани бузадиган вакт келди, деб айтиш учун етарлича асос йўк. Иккинчидан, Украинадаги вокеалар хукукий майдондан чикиб кетишга бошлади. Бундай шароитда, етук демократларнинг вазифаси муаммоларни конституция ва конунлар доирасида хал этишга чакиришдир. Учинчидан. Президентликка мухолифатнинг номзоди Юшченконинг МДХ давлатаридаги диктатура ва демократия ўртасидаги курашга бўлган муносабати маълум эмас. Агар у президент деб эълон килинса ва Болтикбўйи жумхуриятларининг рахбарлари каби бир неча тонна пахта ундириш учун Ўзбекистонга келиб, диктатурадаги «баркарорликни» мадх килиш билан шугулланадиган бўлса, нокулай ахволда колишимиз мукаррар.

Шундай бўлса хам бизнинг симпатияларимиз Украина мухолифати ва унинг номзоди Юшченко тарафида. Биз унинг галабаси тарафдоримиз ва шундай бўлишига ишонамиз. Бу ерда Юшченконинг канчалик демократ бўлиб бўлмаганидан ташкари бир нарсани назарда тутишимиз лозим. 1991 йил 1 декабрда Украинада ўтказилган референдумда украин халки «СССРдан чикиб мустакил бўлишга» овоз бериб, бир хафтадан кейин СССРнинг таркатиб юборилишига ва Ўзбекистоннинг хам мустакиллигига йўл очганди. Ўша вокеаларнинг 13 йиллиги нишонланаётган бу кунларда украинлар яна бир марта жасорат кўрсатадилар ва Кремлнинг собик империяни бироз янгиланган шаклда тиклаш учун бошлаган харакатларини пучга чикарадилар, деб умид киламиз. Биз бу масалада украинларга мувафаккият тилаб колиш билан чекланмаймиз, уларга хар кандай ёрдам беришга хам тайёрлигимизни билдирамиз.