09 May 2015
05:39 - Ислом Карим кеча Москвага келиб, МДҲ норасмий саммитида ҳам қатнашишга улгурибди

Тошкентда тарқатилган хабарларга асосоланиб, Ислом Карим Москвага бормаслигини кеча билдирган эдик. Ҳозир маълум бўлишича, бу ерда қандайдир тушунмовчиликлар бўлган ёки расмийлар атайлаб ёлғон хабарлар тарқатганлар.

Русларнинг “Новости” давлат хабар агентлиги тарқатган қисқа хабарда айтилишича, Ислом Карим кеча пешин соатларида Москвага етиб келган ва МДҲнинг норасмий саммитида ҳам қатнашган. Норасмий саммитда Россия, Белорусия, Қозоғистон, Қирғизистон, Тожикистон ва Ўзбекистон президентлари иштирок этган.

Демак, Ислом Карим бугун Путин уюштираётган парадни ҳам тамоша қилишга чиқади. Кўринишидан,бизнинг кечаги тахминларимиз хато бўлган ва Путин ўз вассали Ислом Каримга ҳеч нарсага қарамасдан Москвага етиб келишни буюрган, Ислом Карим хўжайиннинг буйруғини бажарган.

Бу расм кеча олинганми ёки архивлардан чиқарилганми, номаълум.