Бир неча кун аввал Балтимор шаҳар полицияси тарафидан қандайдир арзимаган айбнома асосида ушланган қоратанли эркак киши полиция изоляторида оламдан ўтди. Унда юрак касаллиги борлиги айтилмоқда. Ўшандан бери шаҳарда қоратанлиларнинг кўп ҳолларда тартибсизликларга айланиб кетаётган намойишлари бўлмоқда.

Кеча, душанба куни аҳвол жуда ёмонлашди. Намойишчилар полицияга тош отишмоқда, полиция автомобилини ёқиб юборишди, баъзи дўконларни талон-тарож қилиш бошланди. Президент Барак Обама Мериленд штатининг прокурори ва Балтимор шаҳар мэри билан учрашиб, аҳволни муҳокама қилди.

Кечга яқин аввал Мэрилэнд штатида фавқулодда ҳолат эълон қилинган эди, кейинроқ Балтимор шаҳрида комендантлик соати жорий этилди. Бир ҳафта давомида соат 22:00 дан эрталаб 5:00 гача кўчага чиқиш тақиқланади. Шаҳарга Миллий Гвардия отрядлари киритилган.

Мэрилэнд штати пойтахт Вашингтонга ёпишган, Балтимор эса пойтахтдан 50-60 километрча узоқликдадир.