25 April 2015
21:27 - Нью-Йорк фондлар биржасида барқарорлик давом этмоқда, паникага ўрин йўқ
Ўтган ҳафтанинг сўнгги иш куни, яъни жумада Нью-Йорк фондлар биржасининг асосий индекси Dow Jones эрталаб бир неча дақиқада 250 поғанага тушиб кетиб, ўша кунги умумий тушиш 280 бўлган ва кун охирида Dow Jones 17826 да тўхтаганди. Биржа экспертларининг бундай тушиш сабаби сифатида Хитойда киритилиши мумкин бўлган янги савдо қоидалари ва Юнонистон еврозонанини таҳликага тушириши мумкин бўлган қадамлар қилиши билан боғлиқ хавотирликларни кўрсатганларини ножиддий деб ҳисоблаган эдик.

“Ҳаракат”нинг фикрича, бундай кутилмаган тушиш ёки чиқишлар мураккаб катта системаларда бўлиб туриши таббийдир.

Жорийдаги ҳафта фикримиз тўғри эканлигини яна бир марта исботлади. Душанба куни эрталаб, Dow Jones индекси эрталаб бир неча дақиқада шундай юксалдики, жума кунги тушиш унутилди. Ҳафта давомида эътиборга лойиқ бўлмаган зиг-заглар бўлиб турди, кеча, яъни жорийдаги ҳафтанинг сўнгги иш кунини Dow Jones индекси 18080 билан тамомлади.

Хуллас, Нью-Йорк фондлар биржасида, демак, кризисдан чиқиб бўлган АҚШ иқтисодида, барқарорлик давом этмоқда. Ҳозир эса, аввалари ҳам айтган бир фикримизни яна қайтариш фойдали эканлигини урғуламоқчимиз.

АҚШда ишлаётган ўзбеклар ҳам, бошқа мамлакатларда яшаётган ўзбеклар ҳам, фондлар бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмайдиган Dow Jones каби индекслар билан яшашни ўрганишлари, пулларини фақат банкларда эмас, фондлар бозорининг акцияларида ҳам сақлашни ўрганишлари лозим.

Ўзбекистондаги ота-оналарга ёрдам бериш шарт, аммо у ерга ортиқча пул юбориш ўзбекларнинг душмани бўлган мавжуд режимга хизмат қилиш ва пулни сувга оқизишдир. Ўзбеклар чет элларда ҳам ош ейиш ва Ўзбекистонга пул юборишдан ташқари, ишлаётган мамлакатларида пул йиғиб, кичкина бўлса ҳам ўз бизнесларини очиш устида ўйласалар, фойдали бўлади.

Айнан шундай одамлардан кейинчалик катта бизнесменлар чиқади. Ана ундан кейин Ўзбекистонда ҳам бизнес очишни ўйлаш мумкин. Акс ҳолда, бутун дунёни мардикорлар билан тўлатиб юраверамиз.

Расмда - Нью-Йорк фондлар биржаси ҳам жойлашган машҳур Wall St (Уолл-стрит).
« Олдинги хабар Хабарлар рўйхати Кейинги хабар »