Россия демократик мухолифатининг энг кучли ташкилоти РПР-ПАРНАС партияснинг раисдошларида бири Борис Немцов яқинда Кремлнинг шундай биқинида отиб ўлдирилганди. Шу кунларда мухолифатнинг бошқа кучли ташкилоти – Алексей Навальний раҳбарлигидаги Прогресс Партияси 2015 ва 2016 йилларда бўладиган бир қатор маҳаллий сайловларда биргаликда ҳаракат қилиш учун РПР-ПАРНАС партияси билан коалиция тузиш ташаббуси билан чиқди. РПР-ПАРНАСнинг Сиёсий кенгаши бу ташаббусни тўла қўллаб-қувватловчи қарор чиқарди.

Ҳали рўйхатдан ўтмаган “5 Декабрь партияси” ҳам кеча бу коалицияга қўшилишга истагани билдирди. Кейин бир маҳаллар Россиянинг энг катта бойи бўлган ва демократик мухолифатни қўллаб-қувватлагани учун Путин тарафидан қамоққа ташланиб, Сочидаги Қишки Олимпиада ўйинлари арафисида озод қилинганч, ўзи чет элга кетиб қолган бўлса ҳам Россияда “Очиқ Россия” ташкилоти қурган Михаил Ходорковский мухолифатниннг бундай коалициясини қўллаб-қувватлашини эълон қилди.

Россия мухолифатининг шу пайтгача бирлашишлари катта натижалар бермаган эди. Чунки, тузилган коалициялар мўрт бўлиб, тезда парчаланиб кетарди. Бу сафар ҳақиқий коалиция тузилишига умид қилиш керак.

Аммо, бизни биринчи навбатда, Ўзбекистондаги демократик мухолфатнинг аҳволи қизиқтиради, дейди мухбиримиз. 25 йилдан бери “Бирлик” ташқарисида турли мухолифатчиликка даъво қиладиган тўгаракчилар пайдо бўлиб, кейин ўз-ўзидан йўқ бўлиб кетаверади.

“Бирлик” мухолифатнинг ягона кучи бўлган, ҳозир ҳам шундай, келажакда ҳам шундай бўлади, дейди унинг лидери Абдураҳим Пўлат. Чунки, “Бирлик”нинг кучли ғояси бор, айнан “Бирлик” ўзининг жарчиси бўлган “Ҳаракат” Агентлиги билан биргаликда ўзбек миллати ва Ўзбекистон давлатининг касалликларига тўғри диагноз қўйди ва касалликни тузатиш йўлларини ҳам кўрсатмоқда. Демак, миллат ва ватанни ўйлайдиганларни “Бирлик”га қўшилишдан бошқа йўллари йўқ.

Шундай экан, кимнингдир ўлимини кутиш ҳам керакмас.