Тошкент вақти - 
17 April 2015
07:13 -
Туркия Президенти Қозоғистонда: Хабарлар ўта мавҳум, чунки Турк Дунёсининг стратегияси йўқ
Ўтган куни кечқурун Остонага келган Туркия Президенти Ражаб Эрдўғонни аэропортда дипломатик регламентга кўра, Қозоғистон ташқи ишлар вазири Эрлан Идрисов кутиб олди. Турк Дунёси тушунчаларидан келиб чиқсак, Нурсултон Назарбой дипломатик регламентга тупуриб, аэропортда Эрдўғонни шахсан ўзи кутиб олиши керак эди.Кеча икки президент учрашув ўтказдилар, бир қатор ҳужжатлар имзоладилар, қозоқ-турк бизнесс-форумида иштирок этдилар.
Қозоқ хабар агентликларининг билдиришича, Туркия Президенти ўтган йили 440 минг туркиялик Қозоғистонга турист сифатида келгани, турклар Қозоғистонда ўзларини аждодларининг уйда каби ҳис этишлари, Туркия Остонада бўладиган ЭКСПО-2017 кўргазмасида иштирок этишга тайёр эканлиги каби умумий гапларни гапирган. Аммо, икки давлат ўртасидаги савдо айланмаси ҳозир 3,2 млрд доллар эканлигидан тушунса бўладики, Туркия-Қозоғистон алоқалари жуда паст савияда. Келажакда савдо айланмаси 10 млрд долларга чиқарилиши айтилмоқда, аммо бу қачон бўлиши ҳақида ҳеч нарса айтилмайди.
Хуллас, Туркиянинг Қозоғистон билан алоқалари юксак савияда эмас. Қолаверса, Ўзбекистон билан ҳам аҳвол шу даражада. Бунинг сабаби – туркий давлатлар тарафидан Турк Дунёсининг келажагини белгиловчи стратегик йўналишлар белгиланамаганида, аҳолисининг сони бўйича Турк Дунёсида иккинчи ўрида турган Ўзбекистонда Исмлом Карим бошчилигидаги тожиклар режими ҳукмронлик қилаётганида. Демак, Ўзбекистонда ҳокимиятга “Бирлик” Партияси келмагунча, Турк Дунёсининг келажаги мавҳумлигича қолаверади.
Ҳа, дарвоқе, бугун Ражаб Эрдўғон ўзбекларнинг тарихий юрти бўлган, аммо ўзбеклар бутунлай сиқиб чиқарилган Туркистон шаҳрига келади ва қозоқларга ҳеч қандай алоқаси бўлмаган ўзбек Ал-Форобийнинг юртида меҳмон бўлади.
