Тошкент метрополитенининг «Юнусобод» йўналишида содир бўлган ноодатий воқеа бир куннинг ичида пойтаҳтликлар орасида узунқулоқ гапларга сабаб бўлди. Маълум бўлишича, метро поездлари охирги бекатга қадар юрмаган. «Минор» метро бекатида эса одамлар тутун ва куйган кабел симининг ҳиди чиқаётганини кўрган.

«Юнус Ражабий» бекатида поездга чиқиб кутганимизда икки дақиқа тўхтаб турган поезд «Минг Ўрик» бекати томон юрмаслиги маълум қилинди. Бу ҳолат икки марта такрорланди. Метрополитен ходимларини буни бекатдаги техник носозлик сабаб бўлганини таъкидлашди. 15 дақиқача вақтдан кейин поездлар ўз одатлари бўйича юришни давом эттиришди», деб ёзди ижтимоий тармоққа воқеа гувоҳларидан бири. Аммо на расмий матбуот, ва на ТВ дастурлар бу воқеа ҳақида хабар қилгaни йўқ.