19 December 2014
06:20 - Владимир Путиннинг катта матбуот конференцияси унинг катта мағлубияти бўлди
Кеча Россия Президенти Владимир Путин ҳар йилнинг сўнггида ўтказлиши анъанага айланиб бораётган катта матбуот конференциясининг 10-чисини ўтказди. Русларнинг рубли шармандаларчи чўкишидан 2 кун кейин ўтказилган бу тадбирда Путин рус халқининг ўзига бўлган ишончни оқлаши, Ғарбнинг санкиялар остида чўкаётган мамлакт иқтисодини ҳалокатдан қутқариш режаларини очиқлаши кутиларди.

Аслида, ундай бўлмади. Путин ҳамма саволларнинг моҳиятидан масхарабозларча қочиб, умумий гаплар билан чекланди. Масалан, Россия иқтисоди 2 йилдан кейин ўзига келишини гапирди, аммо бунга асос бўладиган мантиқли аргумент келтиролмади. Бу йил Россиянинг Ялпи Ички Маҳсулоти тахминан 0,7 фоизга ортиши кутилаётгани билан мақтанишига ҳеч ким эътибор ҳам бермади.

Унининг 3 соатлик демогогияси ичида, балки, иккита диққатга сазовар нуқта бор эди.

Биринчиси. Рублнинг қиймати икки кун ичида 2 баравар тушиб кетди. Бунинг айбдорлари бўлмиш Марказий Банк ва мавжуд ҳукумат дарҳол истеъфога жўнатилиши керк эди. Аммо, Путин матбуот конференциясида бундай қилмаслигини айтди. Шу билан у Марказий Банк ёки ҳукуматга ишонч билдирдими? Йўқ. Путин уларни истеъфога жўнатса, улар ҳозирги қалтис пайтда Путинга қарши чиқиб, ҳамма айбни Путиннинг ўзига ағдаришларидан қўрқди. Демак, Медведев раисилигидаги ҳукумат истаган пайтда Путинга қарши исён қилишини кутиш керак.

Иккинчиси. Путин Ғарбнинг санкциялари қаршисида, Россиянинг Шарқ билан алоқаларини ривожлантириш йўлидан бормоқчилигини урғулади. Худди, ҳозирги Шарқ Ғарбга альтернатива бўлоладигандек. Бўлолмайди. Россия энди Шарққа ёқилғи сотадиган ҳолга тушиб, унинг иқтисоди янада кучсизларнади. Бунинг устига, Шарқнинг энг ривожланган мамлакатлари Япония ва Жанубий Корея Россиядан кўра Ғарбга яқинлик кўрсатадилар.

Хуллас, ҳеч шубҳасиз, катта матбуот конференцияси Путиннинг катта мағлубияти бўлди.
« Олдинги хабар Хабарлар рўйхати Кейинги хабар »