28 November 2014
06:41 - Украина барқарорлик йўлида: Парламентида кўпчилик коалицияси тузилди, парламент спикери сайланди, бош вазир тайинланди
26 октябрда сайланган Украина парламенти - Олий Раданинг янги таркиби кеча эрталаб биринчи мажлисини ўтказди. Президент Петр Пороошенконинг ҳам иштирокида ўтказилган 450 ўринли парламентнинг мажлисида 302 депутатадан иборат кўпчлик коалицияси тузилди, унга “Европали Украина” номи берилди. Коалицияга парламентда энг кўп овозга (132) эга бўлган Президент Петр Порошенконинг Блоки, сони бўйича (83) иккинчи ўринда бўлган Халқ Фронти ва яна бир қатор ташкилотларнинг депутатлари кирди, жумладан, зарғалдоқ инқилобининг лидерларидан бири, собиқ Бош вазир, принципиалсизлиги натижасида ҳозир обрўси жуда тушиб кетган Юлия Тимошенко блокининг депутаталри (19 киши).

Шундай қилиб, Украинада сиёсий барқарорли яратиш йўлида энг катта қадам қилинди дейиш мумкин. Дарҳол конструктив иш ҳам бошланди. Парламент спикери қилиб, Петр Порошенко Блокининг аъзоси, шу йилнинг 27 февралидан бери Бош вазир ўринбосари лавозимида ишлаб келаётган Владимир Гройсман сайланди. 1978 йили туғилган Гройсман Петр Порошенконинг энг яқин одамларидан бири ҳисобланади.

Кейин мажлисда қатнашаётган 390 депутатдан 341 нафарининг овози билан аввалги Президент Виктор Янукевич ағдарилгандан бери Бош вазир вазифасини бажариб келаётган Арсений Яценюк расман Бош вазир лавозимига тайинланди. 1974 йилда туғилган Яценюк Виктор Бшченкониннг энг яқин одами эди, зарғалдоқчилар коалицияси бузилгач, у Элия Тимошенконинг блокига ўтди, аммо ҳозир Халқ Фронтининг раҳбари.

Ҳукумат аъзолари ва парламентнинг турли комитетлари раислари 2 декабрдаги мажлисда белгиланади.

Дарвоқе, кечаги мажлисда нутқ сўзлаган Президент Петр Порошенко Украиананинг яқин келажакдаги стратегик мақсадларини тилга олди: Халқаро блокларга кирмаслик сиёсатидан воз кечиш, Епропа Иттифоқига кириш, НАТОга кириш-кирмаслик қарорини сиёсатчилар эмас халқ бериши, Украинада украин тили ягона давлат тили бўлиши, Қрим ва Донбас ҳеч қандай федерализациясиз, аммо маҳаллий ҳокимликларга катта ваколатлар бериш шарти билан Украинада таркибида қолиши ва бошқалар.

Расмда - Владимир Гройсман, Петр Порошенко ва Арсений Яценюк.