28 October 2014
06:15 - Кеча ҳозирги Ўзбекистоннинг тарихидаги энг буюк кун эди, “Бирлик” тарихга кирадиган бундан ҳам буюк кунлар яратмоқчи
Ҳа, айнан 1924 йил 27 октябрь куни СССР Олий Советининг сессиялари орасида КПССнинг топшириқлари остида иш олиб борган СССР Советлари Марказий Ижроия Комитетининг Президиуми Ўзбекистон ва Туркманистон Совет Социалистик Республикаларини тузиш ҳақида қарор чиқарди. Ўша куни тарихга “Ўзбекистон” сўзи кирди.

Тўғри, расмиятчилик ишлари 1925 йили 2-4 май кунлари ўтказилган Ўзбекистон Олий Советида амалга оширилди. Ўша кунлари гўёки мустақил бўлган ва мустақил давлат сифатида СССРга кирган Ўзбекистон ССР расман тузилди.

Давлатимиз ўзбек халқининг эмас, Москванинг кўрсатмаси билан яратилгани ҳалигача ўз таъсирини кўрсатмоқда. Ўз давлатини ўзи қуролмаган ўзбеклар биронта мустақил иш қилолмасдан, секин аста миллат сифатини ҳам йўқотабошладилар.

1988-89 йиллари Абдураҳим Пўлат раҳбарлигида яратилган “Бирлик” халқ ҳаракати тарихда биринчи марта Ўзбекни миллат қилиш, Ўзбекистонни ҳақиқий мустақил давлат қилиш учун кураш бошлади. Аммо, тезда билиндики, миллат ичида хира пашшадек хоин-ҳаромийлар кўп экан. Айнан хоин-ҳаромийлар, уларнинг бошида 53-54 лақабли Салой Мадамин раҳбарлигидаги ёзувчилар турарди, КГБнинг агенти Ислом Каримнинг топшириғи билан “Бирлик”ни парчалаб, заифлаштирдилар. Вақтдан фойдаланган Ислом Карим Москванинг истагини бажариб, Ўзбекистонда тожиклар режимини ўрнатди.

Ҳозир ўзбеклар миллат сифатини бутунлай йўқотиб, чет элларда мардикорчилик қилувчилар подасига айланганини ҳеч ким инкор этолмайди. 2010 йили 10-13 июнь кунлари бир ҳовуч қирғиз фашистлари ўзбекларни тириклайин ёқишга, ўзбекларни 3 кун қирғин қилишга журъат қилдилар. Чунки, улар ўзбек миллати йўқлигини тушунардилар. Шундай эканлиги очиқча кўринди ҳам. Ўзини ўзбек дейдиганларнинг сони жаҳон бўйича 30 миллионга яқин бўлса ҳам, улар оғизларини ҳам очмасдан қисиб ўтирдилар.

Энди ўзбекларни қайтадан миллат қилиб бўлмаслиги кўриниб турибди. Аммо, дейди Абдураҳим Пўлат, мен ва “Бирлик” қилиб бўлмайдиган ишларга ҳам қодир эканлигимизни кўрсатоламиз. Ва кўрсатамиз ҳам. Ўзбекни қайтадан миллат, Ўзбекистонни давлат қиламиз. Ўзбек миллатига оид қарорлар Москвада эмас, Ўзбекистонда “Бирлик” раҳбарлигида қабул қилинадиган кунлар келади.

Хоин-ҳаромийлар таг-туги билан йўқотилади.

Байроғини кўриб турганингиз, Марказий Осиёдаги ҳамма турк элларини бирлаштирувчи, тарихий буюк Туркистон тикланади.
« Олдинги хабар Хабарлар рўйхати Кейинги хабар »