19 October 2014
08:18 - Ражаб Эрдўғон кутилмаганда Қобулга бир кунлик ташриф билан келиб кетди, ўзбеклар лидери Абдурашид Дўстим билан ҳам учрашди
Туркия Президенти аввалдан эълон қилинмаган ташриф билан кеча бир кунга Қобулга бориб келди.

У Қобулга эрталаб билан пешин ўртасида келди. Туркиянинг расмий давлат воситаси – Анадўлу Агентлигининг хабарига кўра, Афғонистон Президенти Ашраф Ғани ўз қароргоҳида Ражаб Эрдўғон шарафига расмий ҳарбий кутиб олиш маросими уюштирди.

Кейин икки президент расмий учрашув ўтказдилар. Ражаб Эрлўғон Ашраф Ғанидан ташқари расмий лавозимининг номи Ижроия Кенгаши раиси, аслида, Бош вазир деса бўладиган Абдулло Абдуллоҳ ва расмий номи Президентнинг биринчи ёрдамчиси, феълан, Вице-президент деса бўладиган ўзбек аслли Абдурашид Дўстим билан ҳам кўришибди.

Ражаб Эрлўғон кечқурун Истанбулга қайтаётганда ўз учоғида бўлган журналистлар билан қилган суҳбати давомида Афғонистонда Ашраф Ғани билан Абдулло Абдуллоҳ миллий бирлик ҳукумати
тузишга эришганларини, лекин Афғонистоннинг иқтисодини кўтариш учун ҳали кўп иш қилиш кераклигини урғулагаш билан чекланган ва асосий вақтини ИШИД атрофидаги воқеалар, бу масалада Туркиянинг позициясини тушунтиршга бағишлаган.

Биз ўзбеклар учун Ражаб Эрдўғоннинг Абдурашид Дўстим билан учрашгани жуда муҳимдир, дейди мухбиримиз. Абдурашид Дўстим ўзбекларнинг сони сезиларли бўлган мамлакатлар ичида ўз миллатдошларини уюштиролган, давлат миқёсида катта лавозимларга етишган ва вақтитнчалик мағлубиятларга қарамасдан курашини давом эттираётган ягона ўзбекдир.

Толибон 1996 йили Қобулни қўлга олиб, Афғонистонда ўз ҳукуматини тузганда айнан Абдурашид Дўстим мамлакат шимолига толибларни киритмади ва у ҳудудларда феълан ўз ҳокимиятини ўрнатди. Аммо ўзбеклар ичидан чиққан хоинлар уни толибларга сотдилар. У Ўзбекистон орқали Туркияга чиқиб кетишга мажбур бўлди. Анқарага келган кунининг эртаси “Бирлик” раиси Абдураҳим Пўлат ва ўша пайтда у билан ҳамкорликда бўлган Жаҳонгир Муҳамад билан учрашди.

Бир вақтлар “Бирлик”ни Ислом Каримга 53-54 номерли иккита квартира олиш учун сотган “Эрк” партияси раиси Салой Мадамин ўша куни “Озодлик” радиосининг ўзбекча эшиттришларида Толибон Мозори Шарифни қўлга олганини олқишлади. Чунки, у ўшанда ўзига президентлик лавозимини ваъда қилган Ўзбекистон Исломий Ҳаракатининг хизматига ўтганди. Яъни, яна бир марта миллат хоини эканлигини намойиш қилиб, ўзига берилган 53-54 лақаби олдига “ҳаромий” сифатини ҳам қўшиб олганди.