16 October 2014
06:23 - Эски автомобиль сотиб олган турк йигити ҳалолигини кўрсатди
Туркиянинг Коня шаҳрида ишлатилган автомобилларни олиб-сотиш билан шуғулланадиган Веҳби Ажар билан бўлган воқеа Туркия газеталарида ёритилди.

Веҳби Ажар Истанбулда бир минибус сотиб олибди. Уни Коняга олиб келиб, сотишдан аввал ўз устахонасида баъзи тузатиш ишлари қилаётган пайтида, автомобильнинг китобчаси ва баъзи қоғозлар солинган халтачанинг ичидаги конвертда 5 минг 950 евро пул кўриб қолибди.

У ўзи билан ишлайдиган отаси ва укаси билан маслаҳатлашиб, пулни эгасига қайтаришга қарор қилибди. Минибусни Истанбулда унга сотга одам пул ўзиники эмаслигини айтгач, бир неча марта-қўлдан-қўлга ўтган автомобилнинг 2011 йилдаги эгасини иопибди. Бунда унга конверт ичидаги қайсидир банкнинг қоғозлари ҳам ҳам ёрдам берибди.

Хуллас, ҳалол инсон эканлиги кўрсатган Веҳби Ажар пулнинг эгасини топиб, унга топширибди. Офарин, бундай ҳалол инсонларга!
« Олдинги хабар Хабарлар рўйхати Кейинги хабар »