20 August 2014
11:40 - Ўзбекистон корхоналари ўз хизматчилари учун круиз саёҳатлар уюштириш кучига эгами?
Халқаро корпоратив хизматлар бериш билан шуғулланадиган, маркази Буюкбританияда бўлган дунёда машҳур HRG (Hogg Robinson Group) ширкати 2 йил аввал Ўзбекистонда ўз бўлимини очгани (ёки Ўзбекистонда аввалдан бор бўлган Radius Travel ширкати унинг бўлимига айлангани) кўпчиликниннг эътиборидан четда қолган воқеа бўлганди. Эслатиб ўтамиз, “корпоратив хизмат” кенг маъноли тушунча, аммо номидан ҳам кўриниб тургандек, Radius Travel ширкати кўпроқ круиз саёҳатлар уюштириш билан шуғулланмоқчи кўринади. Англиядаги бош ширкатнинг мутахассислашганидан келиб чиқсак, гап бирга ишлайдиган одамлар гуруҳи, яъни жамоалар учун саёҳатлар уюштириш ҳақида кетмоқда.

Radius Travel ширкати кенгроқ саҳнага чиқиш ниятида шекилли, ўзини реклама қилишни баландроқ даражага олиб чиқиш ҳаракатига тушибди. Бугун Gazeta.uz сайтида эълон қилинган мақолани айнан шундай тушуниш мумкин.

“HRG Uzbekistan денгиз круизлари таклиф қилади” номли реклама-мақолада “театр, кинотеатр, концерт заллари, конференция заллари, лобби-барлари бор кемаларда турли тадбирлар, масалан, мукофотлар топшириш маросимлари, тим-билдинг, семинар, конференция, мастер-класс ва лекциялар ташкил қилиш мумкинлиги урғуланади.

Аммо, дейди мухбиримиз, Radius Travel ширкатининг ҳаммани қувонтириши керак бўлган рекламаси катта самара беришига шубҳамиз бор. Ўз-ўзидан маълумки, бундай круизлардан каттароқ меҳнат жамоасига эга бўлган муассаса, ташкилот ва корхоналар фойдаланиши мумкин. Аммо, битта расмий миллионери ҳам бўлмаган Ўзбекистонда каттароқ иш ерларининг ҳаммаси давлатники. Бюджети зўрға оёқда турган, ўртача ойлик 80 доллар атрофида бўлган Ўзбекистондек давлатнинг давлат корхоналари қимматбаҳо круизлардан фойдаланиш кучига эга эмаслар.

Ўзбекистонда иқтисодида инқилобий ўзгаришлар қилинмаса, бойлар синфи яратиш йўлига шахсан Ислом Карим тарафидан қўйилган тўсиқлар олиб ташланмааса, Radius Travel каби ширкатларнинг келажаги йўқ. Бу нарсаларни тушунаётган, нима қилиш керак саволига жавоблари борлигини кўрсатаётган “Бирлик” Партияси ҳокимиятга келгандан кейингина ҳамма нарса ўзгаради. Шу сабабли, аслида, расмий миллионер бўлишни истаганлар “Бирлик” Партияси ва феълан унинг жарчиси бўлган “Ҳаракат” Агентлигини қўллаб-қувватлашлари керак.

Расмда – реклама қилинаётган круиз кемаларидан бири.
« Олдинги хабар Хабарлар рўйхати Кейинги хабар »