Мустақилликнинг 23 йиллиги муносабати билан ҳар доимгидек Ўзбекистон режими хашар номи остида умумдавлат коммунистча субботник/шанбалик эълон қилган эди. Ортиқча эътиборга лойиқ ҳам бўлмаган воқеа. Шанбалик якшанба кунига тайинлангани ҳам муҳим эмасди.

Аммо, Ўзбекистондек давлатнинг расмий ахборот агенитлиги бўлган ЎзАнинг бу воқеа хусусида тарқатган ёлғон хабари диққатимизни ўзига тортти. Нимамиш, бутун мамлакатнининг ҳамма бурчакларни тозалаш, ободонлаштириш, очиғини айтсак, ялаб-ювқаш ишларига кеча 17 млн одам чиққан эмиш.

Мамлакат аҳолиси 30 миллион эканлигини ҳисобга олсак, бу хашарга сал ўзини эплайдиган боладан тортиб, оёғини тортиб юришга кучи етган ҳамма чолу-кампирлар ҳам чиқишганга ўхшайди.

Аммо, инидан зўрға чиқадиган бўлиб қолган, бунинг устига амаллаб оёққа турғазилиб эртага Хитойга давлат ташрифини амалга ошириш учун олиб кетиладиган президент Ислом Карим хашарга чиқмаган кўринади. Чиқса, албатта ахборот воситалари унинг номини тилга олишган бўларди.