27 July 2014
18:23 - Ўзбекистон БМТнинг инсоний ривожланиш индекси бўйича 116-чи ўринда, аҳволимиз “вой”
Мавжуд режимнинг баъзи қўғирчоқ ахборот воситалари мамлакатимиз БМТнинг инсоний ривожланиш индекси бўйича 116-чи ўринда эканлигини хабар қилдилар. Бизнинг индекс 0,661 экан. Бу ва бошқа рақамлар олинган манбанинг адреси кўрсатилмагани ва БМТ тарқатган индекларга ишонч камлигини ҳисобга олиб, “Ҳаракат” мухбирлари бу хабар билан боғлиқ бўлган бошқа маълумотларни, масалан, МДҲнинг бошқа мамлакатлари, жумладан, қўшниларимизнинг индексларини қидириб ўтирмадилар.

Тушуниш мумкинки, қўшниларимиз биздан орқда бўлса, бу нарса албатта хабар қилинган бўларди. Демак, улар биздан олдинда. Дарвоқе, бу индекс бўйича биринчи ўринларни Австрия, Швецария, Голландия ва АҚШ эгаллагани хабарларда тилга олинган.

Шундай бўлча ҳам икки нарсага эътибор бермоқчимиз.

Биринчиси. Хабарларда айтилишича, бу индексни ўлчаш учун бир неча кўрсатгич ишлатилган бўлиб, уларнинг ичида Киши бошига Ялпи Ички Маҳсулот ҳажми бор эмиш ва бизда у $5,227 минг эмиш. Ваҳолангки, “Ҳаракат” Агентлигидан кейин Ўзбекистонда ҳам баъзи сайтларда эълон қилинганидек, Ўзбекистонда Киши бошига Ялпи Ички Маҳсулот ҳажми 1,5 минг доллар атрофида. Демак, айнан шу ҳақиқий рақам ҳисобга олинса, 116-чи ўриндан ҳам орқада бўламиз.

Иккинчидан, жаҳондаги 200 га яқин мамлакатининг кўпчилигини аҳолиси, ҳеч кимни ҳақорат қилмаслигкка ҳаракат қилиб айтсак ҳам, яқиндагина отдан ёки бошқа жойдан тушган одамлардан иборат. Биз эса, Ал Хоразмий, Ал Бируний, Мирзо Улуғбекларнинг авлоди бўла туриб, 116-чи ўринда қолган бўлсак, аҳволимиз қанчалик “вой” эканлиги ўз-ўзидан маълум.
« Олдинги хабар Хабарлар рўйхати Кейинги хабар »