25 July 2014
15:12 - Туркияда фатхулла-гуленчиларга қарши иккинчи ҳамла бошланди, Исломда ислоҳотлар қилинмаса, хавф остида айнан Ислом дини қолади
Маълумки, ўтгани йилнинг сўнги кунларида Бош вазир Ражаб Эрдўғон ҳукуматидаги бир қатор одамларнинг порахўрлик ва коррупцияга ботганлигини кўрсатувчи аниқ далиллар Истанбул полицияси тарафидан очиқланиши катта шов-шувларга олиб келганди. Эрўғон бу далилларни текшириш ўрнига, уларнинг ҳаммасини сохта деб эълон қилди ва бу ишга аралашган бир қатор полиция мансабдодорларини бошқа ишларга ўтказиб, воқеани хас-пўшлашга интилди. Бу полиция мансабдорлари ҳозир АҚШда яшаётган Ислом уламоси Фатхулла Гуленнинг “Хизмат” ташкилоти аъзолари эканлиги, улар давлат ичида давлат қурганлари иддао қилинди. Кўринишидан, айнан шундайга ўхшайди.

Бу йил май ойида ўтказилган маҳаллий сайловларда Эрўғоннинг исломий илдизли Адолат ва Тараққиёт Партияси ғалаба қозониб, ҳозир унинг ўзи 10 августда бўладиган президентлик сайловларида ғолиб чиқиши аниқ бўла бошлагач, фатхулла-гуленчиларга қарши иккинчи ҳамла бошланди.

Туркия матбуотининг хабарларига кўра, сўнгги 2-3 кун ичида полиция ва хавфсизлик хизматида ишлаётган ҳамда давлат ичида давлат (параллель структура) тузганлиги тахмин қилинаётганлардан 22 киши полицияга ушлаб келинган. Шу ерда сўроқ қилингандан кейин, 8 киши озод қилинган, 14 кишининг иши судга жўнатилган. Суд уларни кўриб чиқиб, 6 кишини озод қилган, 8 кишини ҳибсга олиш қарори чиқарган.

Аммо, иш бу билан битмаслиги аниқ. Кўринишидан, аввал Эрдўғонни қўллаб-қувватлаган фатхулла-гуленчилар давлат ичида жиддий мавқега эгалар. Бу жанжал нима билан тугашининг ўзи ҳам қизиқ, аммо масаланинг ҳали ҳеч ким кўрмаётган бошқа бир тарафи бор.

Маълумки, “Ҳаракат” Агентлиги Ислом динида чуқур ислоҳотлар қилиш кераклиги, унинг асосида Ислом динининг ўзи дунёвийлик, яъни секуляризм принципини қабул қилиши шартлигини тилга олмоқда. Дунёвийлик – диннинг давлатдан айрилишидир.

Туркияда бўлаётган воқеалар кўрсатмоқдаки, дин давлатдан айрилмаса, айнан диндорлар ичида диний кураш оловланади ва диннинг келажаги хавф остида қолади. Мана ҳозир Туркияда иккаласи ҳам исломий давлат қуриш ғоясига асосланиб фаолият олиб бораётган икки гурҳ орасида жанг бошланди, у ҳатто ростакам урушга айланиши мумкин. Ислом динини бундай хавфдан қутқаришнинг ягона йўли – дунёвий давлатчиликни тан олишдир.
« Олдинги хабар Хабарлар рўйхати Кейинги хабар »