21 April 2014
21:25 - Яманда қароқчилар олиб қочган шифокор ростдан ҳам ўзбек экан
Ямандаги шифохонадан шу йилнинг 13 апрелида ўғирлаб кетилган ўзбекистонлик шифокор озод қилингани ҳақида кеча хабар берар экан, у ўзбек бўлса керак, чунки, фақат ўзбекгина пул топиш учун ҳозир фуқаролар уруши кетаётган жойга ҳам боришга тайёр, деган эдик.

Бугунги хабарлардан маълум бўлишича, ўзбекистонлик доктор деб айтилаётган одам Мўмин Солиев исмли ўзбек экан. У ҳозир Мариб вилоятидан пойтахтдаги касалхонага олиб келинган. Қабила вакиллари ҳукуматга босим ўтказиш мақсадида исми ҳам Мўмин бўлган мўмингина ҳамюртимизни олиб қочишган экан.

Яман Ички ишлар вазирлигига кўра, 57 яшар ҳамюртимиз Ал-Тўайман қабиласи қўлида тутқунликда кун кечирган.

Аввал ҳам ёзганимиздек, бу хусусда буун дунёда хабар тарқалди, аммо Ўзбекистон ахборот воситалари жим. Уларни ўзбекнинг тақдири қизиқтирмайди. Ахир, қирғиз фашистлари ўзбекни тирклайин ёққанда ҳам қисиб ўтирган ахборот воситалари-да!
« Олдинги хабар Хабарлар рўйхати Кейинги хабар »