Эртага, 22 апрелда “Ўзэкспомарказ”нинг ExpoHotel меҳмонхонасида “Ўзавтосаноат” акциядорлик компанияси тарафидан биринчи Тошкент автомобил коференцияси ўтказилади ва саноат ярмаркаси очилади, дейилади бугун тарқатилган хабарларда. Саноат ярмаркасида машинасозлик, электортехника ва авиациясозлик саноатнинг маҳсулотлари намойиш қилинади.

Шу муносабат билан матбуотга баёнот тарқатган “Ўзавтосаноат” акциядорлик компанияси 2014 йилнинг биринчи чорагида Ўзбекистонда енгил автомобил ишлаб чиқариш ўтган йилнинг шу даврига нисбатан 15,7 фоизга ошганини, яъни 52 минг 752 тани ташкил қилганини таъкидлади. Аммо, бунча автомобиль ишлаб чиқариш учун етралими ёки йўқ деган савол қўйилмайди ҳам. Ваҳолангки, ўртача ойлик 90 доллардан кам бўлган Ўзбекистонда одамлар автомобиль олиш учун навбатга ёзилмоқдалар. Чўталсиз машина олишнинг энг яқин муддати бир йил эканлиги гапирилмоқда.

Нима ўртача 90 доллар ойликка одамлар шунчалик бойиб кетдими ёки “Ўзавтосаноат” америкаликларнинг автомобилларини шунча кўп чиқараётгани ёлғонми?

Ҳа, айтгандай, Биринчи Тошкент Автомобиль Конференциясининг расмдаги логоси қандай кўримсизлигига ҳам эътибор беринг.