ЕР ИСЛОХОТИ ВА ФЕРМЕРЛИК ХАРАКАТИ ХАКИДА.
Вактли матбуотда журналистлар, хаттоки иктисодчи олимлар фермерлик харакатини оклаб чикмокдалар. Улар ривожланган капиталистик мамлакатларда ахолининг бор-йуги 5-7 фоизи кишлок хужаликда машгул булаётганини ургуламокдалар ва улар кишлок хужалик махсулотлари билан нафакат уз мамлакатларини, балки ортикча махсулотларни экспорт килиб дунёнинг катта бир кисмини бокмокдалар, деган мантикка асосланган холда уларнинг йулини бизга урнак килиб курсатмокдалар.

Хато нимада? Биринчидан, Голландия (бу давлат энг куп урнак килиб курсатиладиганлардан бири) ва АКШ бизга ухшаб социализмдан капитализмга утмаган. Иккинчидан, улардаги юкори даражадаги ривожланиш йиллар давомида иктисодий конунлар хосиласи сифатида табиий равишда содир булган.

Хуш, биз хам "бутун дунёда шундайку" деб ва тугридан-тугри Голландиядан нусха кучириб, ерни 5-7 фойиз ахолининг кулига топширсак, адолатсизлик булмайдими? Агар биз шундай килсак, окибатда миллионлаб дехконларни, аникроги кишлок ахолисининг катта кисмини ишсиз килиб куйган буламаймизми? Бу ерда ишсиз деган гап камлик килади, балки биз миллионлаб кишиларни оддийгина тирикчилик воситаларидан махрум килиб куйган буламиз.

Ба'зилар кишлокка саноатни киритмок керак дейишмокда. Бу унчалик осон иш эмас. Бу мислсиз катта маблаг талаб килади. У ёки бу кишлокда пайдо булаётган кичик тегирмону гилам ва атлас тукийдиган ибтидоий иш куроллари билан миллионлаб кишиларга иш бериб буламиди?

Бундан ташкари, булгуси ер эгаларини (я'ни фермерларни) кандай танлаб оламиз? Ерни биринчи навбатда социалистик мехнат кахрамонларига ёки социалистик ишлаб чикариш илгорларига булиб берамизми? Нахотки, иктисодий конунларга асосланган бозор муносабатларига иктисодий конунларга зид ма'мурий йуллар билан утмокчи булсак. Бу мантиксизлик эмасми?

Колхоз раисини ёки кишлок оксоколини сайлаш, хатто тайинлаш мумкин, аммо хакикий дехконни сайлаш йули билан хам тайинлаш йули билан хам аниклаб булмайди.

Тугри, Россияда хам айнан бизга ухшаб социализмдан бозор муносабатларига асосланган капиталистик тараккиёт йулига утмокталар. Аммо улардаги вазият Узбекистондаги вазиятни тамомила тескариси. Россияда ер куп, бизда эса оз. Россияда бутун-бутун кишлоклар бушаб колган. Шунинг учун хам Россияда ерни кандай килиб булсак адолатли булади, деган муомманинг узи йук. Шунинг учун Россияда фермерлик харакатига давлат сиёсати даражасида ахамият берилиб таргиб килинмокда. Демокчиманки, Россия кишлок хужалигида содир булаётган иктисодий ислохотлардан хам нусха кучириб булмайди.

Менга жаноби президентимиз Ислом Каримовнинг "Узбекистоннинг узига хос, узига мос йули бор" деган фикрлари айнан ер ислохоти хакида айтилгандай туюлади. Аммо, надоматлар булсинки, кишлок хужалигидаги "ислохотлар", менинг назаримда, хужа курсинга утказилаётканга ухшайди. Колхоз булди нима, жамоа хужалиги булди нима, совхоз булди нима, ширкат булди нима, Ворошилов булди нима, Шароф Рашидов булди нима? Шундай эмасми? Номларни узгартириш билан хеч нарсага эришиб булмаслигини нахотки иктисодчилар тушинишмаса? Хар колхозда уч-туртта алохида имтиёзларга эга булган фермерларни пайдо булаётганлиги, колган эскича усулда ишлаётган колхозчиларни гайратига гайрат кушаётгани йук, аксинча уларни мехнатга муносабатини аввалгидан хам баттаррок совутмокда.

Нима килмок керак?!

Хакикий ер ислохати утказмок керак! Бу дегани шуки, барча ерни ва жамоат чорвачилигини кишлокда яшовчи ахолига булиб бермок керак. Ха, бу жуда огир, жуда мураккаб, шу билан бирга жуда ма'сулиятли муоммодир.

Шу ерда мен ислохат деган (айтиш мумкинки, катта-кичикнинг, билган-билмаган одамнинг огзидан чикавериб сийкачи чикиб кетган) сузга уз муносабатимни билдирмокчиман. Ислохатнинг иктисодий ма'носи мулкка булган муносабатни узгартирмокдир. Шунинг учун хам мулкка муносабат узгарган жойда мехнатга муносабат узгармокда. Шунинг учун хам фермер, борингки пудратчи ёки ижарачи эскича ишлаётган колхозчиларга нисбатан бир неча баробар унумли ишламокда. Демак хеч иккиланмасдан эскича ишлаш усуллардан воз кечмок керак.

Хуш, кандай килиб?

Энг аввало фермерлик харакатини тухтатмок керак ва ерни кишлок ахолисига хар бир вилоят, хар бир туман, борингки хар бир кишлокнинг узига хос шароитидан келиб чиккан холда булиб бермок керак. Аммо хусусий мулк килиб эмас.Чунки, ерни халкка булиб бериш унчалик осон иш эмас. Утиш даврида мулкнинг оилавий пудрат, ижара формаларидан фойдаланмок максадга мувофик булади. Кишлок хужалигида ислохат, я'ни умумхалк мулкидан хусусий мулкга утиш даврининг канчалик давом этишни олдиндан айтиб булмайди.

Ерни халкка тула-тукис, узул-кесил булиб бергандан кейин, я'ни ислохат давомида йул куйилган хатолар тугриланиб, шунингдек ислохат давомида тугилгаан майда-чуйда муоммалар хал килингандан кейин халкка карата: "шу бугундан бошлаб ерларингиз сизларнинг хусусий мулкингиз булади" дейиш билан иктисодий тараккиётнинг янада юкорирок боскичига кадам куйган буламиз.

Энг мухими, шу утиш давридаёк мехнатга муносабат узгаради. Ахир Хитойдаги иктисодий жонланиш кишлокдаги оилавий пудратлар асосида содир булдику. Шундай экан, хеч иккиланмасдан тезлик билан хакикий ер ислохатини утказмок керак. Фермерлик бизнинг шароитда, барибир су'ний равишда помешчикларни вужудга келтиришдек популистларча соддадиллик билан оширилаётган адолатсиз йул. Бундан бир неча йил олдин давлатдан катта ссуда олиб юзга якин мол сотиб олган бир фермер утган йили уша карзини муддати тугашини хам кутиб утирмасдан битта эчки сотиб тулаб юборибди. Шошилмаганда бу йил битта товук сотиб кутулса хам буларкан. Ахир буни халк куриб турибди.

Бунинг устига истаган одам фермер булолмаяпти. Факатгина раисга ёккан ёки "йулини топган" дехконларгина фермер булишяпти. "Йулини топмаганларга" эса раис буваларимиз хатто ижарага ер бермаётганлиги хеч кимга сир эмаску. Мен бу мисолни изохлаб утирмокчи эмасман, бирок Ислом Каримовнинг :"халк хамма нарсага чидаши мумкин, аммо адолатсизликка чидай олмайди" деган сузларига юз фойиз кушиламан. Лекин чиройли гаплар билангина адолатсизлик битмаслигини хам тушунаман.

Ерга нисбатан хусусий мулкчилик нима учун керак

Утиш даври икки йил давом этадими, уч йил давом этадими, буни албатта олдидан башорат килиб булмайди. Уни канчалик тез амалга ошириш мавжуд хукуматнинг салохияти, акл-идрокига боглик. Бирок биз, умуминсоний йулларга чикиб олмокни хакикатдан хам максад килиб олган булсак, хохлаймизми, хохламаймизми ер хам хусусий мулкга айланади. Ерга нисбатан хусусий мулкчиликни жорий килиш билан хакикий дехконни, я'ни АКШдаги сингари фермерни (биздагидек су'ний - ма'мурий йул билан эмас ) табиий равишда пайдо булишига йул очган буламиз. Ерга нисбатан хусусий мулкчилик туфайли киска муддатда кишлок хужалик ишлаб чикариши таббий равишда, энг мухим огриксиз ва ижтимоий ларзарарсиз худди капиталистик мамлакатларда булгани каби ахолининг 5-7 фойизи кулига утади. Чунки, хамма хам дехкончиликка кизикавермайди. Хусусий мулкчилик туфайли хакикий дехкон ер сотиб ола бошлайди. Кимдир тижоратга кизикади, лекин маблаги йук, ерини сотиб пулини тижоратга сарфлайди, кимдир яхшигина уста, маблаги йуклиги туфайли иши юришмай юрувди, ерини сотиб замонавий станоклар сотиб олади ва хоказо, хоказо...

Хуллас, хусусий мулкчилик туфайли табиий равишда мехнат таксимоти вужудга келади. Аммо бу капиталистик мамлакатларнинг шаклланиш даврида булгани каби узок давом этмайди. Чунки биз йигирма биринчи аср бусагасидаги одамлармиз. Башарият томонидан синовдан утган иктисодий андазалардан республикамиз шароитига мослаб ижодий фойдаланиш имкониятига хам эгамиз. Илмий-техникавий потенциалимиз хам унчалик оркада эмас. Мулксизлик кулимизга кишан булиб турибди халос. Кишан ечилиши билан иктисодий эркинлик вужудга келади.

Капиталистик мамлакатларда хизмат сохаси ривожланган, ахолининг катта кисми хизмат сохасида банд. Аммо бу дегани хизмат сохаси юкоридан берилган курсатмалар асосида ташкил килинади деган гап эмас. Кискача килиб айтганда, бозор муносабатлари шароитида экономиканинг хеч бир сохаси директивалар йули билан жорий килинмайди. Аксинча, эркин ишлаб чикаришнинг вужудга келиши ва ривожланиши хизмат сохасини вужудга келиши ва ривожланишини такоза кила бошлайди. Карабсизки, ахолининг катта кисми уз-узидан хизмат сохасига утиб кетади. Мана шунинг учун утиш давридан кейин ерга нисбатан хусусий мулкчиликни карор топтириш зарурлиги ва у хеч кимга зиён булмаслиги, аксинча тарихий зарурият сифатида кундаланг булиши мукарардир.

Утиш даври куринишлари

Мана ер ислохатини амалга ошира бошладик дейлик. Албатта бу жуда мухим ва шу билан бирга жуда мураккаб муоммо. Юкорида "..ерни кишлок ахолисига хар бир вилоят, хар бир туман, борингки хар бир кишлокнинг узига хос шароитидан келиб чиккан холда булиб бермок керак" деган эдик. Бу дегани шуки, республикамизнинг бир жойида жон бошига ярим гектардан, бошка жойларда унга караганда бир неча баробар куп ёки кам ер келиши мумкин. Ерни булишда факак микдор курсаткичлари эмас, балки сифат курсаткичлари хам мезон тарозисига куйилмоги шарт. Бу дегани шуки, ернинг канчалик унумдор ёки унумдор эмаслиги, жугрофий жойлашуви: темир йул станцияларига, автомобил йулларига, бозорга якинлиги ва хоказо курсаткичлар муфассал урганилиб, категорияларга ажратилмоги лозим. Ерни булишда ана шу мезонларга асосланмок керак.

Иктисодда паритет деган тушунча бор. Кишлок хужалигида хакикий ислохатлар бошлангунча ерлар паритети билан жиддий шугулланмок керак. Бу осон иш эмас, шунинг учун хам бу иш билан "колхоз ва совхозлар экономикасини юксалтиришнинг фалон йуллари" ёки шунга ухшаш темада диссертациялар, монографиялар ёзиб ташлаган, узидан хам номи катта социалистик иктисод фан докторлари эмас, ёки узига хосликни умумбашарий йулларга карши куйиб имкон даражасида хеч нарсани узгартирмай колишга харакат килаётган сиёсатчилар эмас, балки иктисод назариясини яхши идрок киладиган соглом фикрли кишилар жиддий шугулланмоклари лозим.

Дейлик, ер булингандан кейин хар бир оилага бир гектардан ер тугри келади. Бир гектар эмас, хатто турт гектар ери бор одам хам кимматга тушадиган булса тракторда ер хайдатмайди. Кексаларнинг айтишига караганда куш билан бир кунда етмиш-саксон сотих ерни хайдаса буларкан. Бир-икки гектар ери бор одам ялинсангиз хам пахтасини машинада ёки хашарчига тердирмайди. Уз-узидан кушлар, от-аравалар, от культиваторлар пайдо була бошлайди. Керак булса, кишлокларда хеч кандай таргиботсиз эшак аравалар пайдо була бошлайди. Бундай вокеаларга оркага кайтиш деб эмас, балки миллионлаб локайд куллар ва шу вактгача кузга куринмайдиган имкониятлар ишга тушмокда, деб бахо бермок керак.

Аммо, уйлайманки, бу узок давом этмайди. Бизда хам бундай утиш давридан кейин хусусий мулкчилик туфайли табиий равишда вужудга келедиган мехнат таксимотининг натижасида ахолининг бор-йуги 5-7 фойизини ташкил килувчи дехконлар хаётига хатто компьютерлар кириб келади.

Мана, борган сари ёнилги, эхтиёт кисмлар кимматлашиб, мавжуд техника воситалари эскирмокда. Агарда биз эскича кулдорлик социализми ишлаб чикарган усулларни давом эттираверсак бу муаммолар борган сари катталашиб, ечиб булмайдиган тугунларга айланиб кетади. Шунинг учун хам ер ислохотига <МУ>тарихий зарурият сифатида караб тезлик билан амалга оширмок лозим. Кетмонга иш етишмайдиган Узбекистондек мамлакатда ёнилги етишмайди, эхтиёт кисмлар етишмайди, техника етишмайди ва хоказо, ва хоказо... Муаммоларни факат ер ислохати оддийгина хал килади.

Масаланинг сиёсий тарафи

Бундан ташкари ер ислохоти "Мустакиллик менга нима берди?" деган саволга амалий жавоб беради. Ер ислохоти туфайли уз ерига, ишлаб чикариш воситаларига эга булган хар кандай оддий одам хам истиклолнинг накадар УЛУГ НЕ'МАТ эканлигини англаб етади. Хеч кандай таргибот килинмаса хам, тарбия килинмаса хам бугунги локайд одамлар хакикий ватанпарварларга айланиб колади. Чунки, ислохот туфайли кулдорлик социализмининг куллари мулкдорларга айланадилар. Менимча, ана шундагина хамма куриб хис килиб турган бундай оддий ва улуг ХАКИКАТ хеч кандай таргиботга мухтож булмай колади. Кейин, хаттоки юртбошини хеч ким мактамасин деб фармони-олий чикарилса хам миллионлаб оддий одамлар мелисалардан хам куркмасдан гурунгларда, автобусларда, жамоат жойларида бемалол уни мактайверишади. Жорж Вашингтон, Пётр 1, Мустафо Камол Отатурк сингари Ислом Каримовнинг номи хам тарих сахифаларига уткинчи эмас, ислохотчи президент булиб кирарди.

Хуллас, бизни иктисодий инкироздан ун минглаб фермерлар эмас, миллионлаб мулкдорлар олиб чикиб кетади.

Куплаб иктисодни умуман тушунмайдиган журналист акаларимиз ва опаларимиз кишлок хужалиги хакида ёзган маколаларида, радио чикишларида ёки телевидениеда "утиш даври кийинчиликлари" деган сузларни ишлатишаётганига хайрон коласан киши. Эй, мухтарам хонимлар ва жаноблар! Кишлок хужалигида утиш даври бошлангани йук. Иншоаллох, аввал бошлансин, кейин унинг кийинчиликлари хакида ёзишга хам, гапиришга хам улгурасизлар. Хозирги давр утиш даври эмас. Менимча бу даврни "утмай куя колсакчи" даври деб атасак тугрирок булади. Шунинг учун хам унинг кийинчиликлари камайиш урнига кундан-кунга болалаб, купайиб кетмокда.

* * *

Бугунги кунда фикрлашларимизда канчалик инкилобий узгаришлар содир булганлигига карамасдан, биз хаммамиз совет даврида тенглик рухида тарбия курган кишилармиз. Шунинг учун хам бозор муносабатларига асосланган ва пировардида мулкий тенгсизлик келиб чикарадиган янги жамият бусагасида сунг марта шу тенглик формуласидан фойдаланиб, ерни адолат билан тенг булиб бериш лозим, деб уйлайман. Ундан кейин, ким бой булиб кетса тадбиркорлиги туфайли булади, ким камбагал булиб колса юртбошидан эмас, узидан куради.