Журнал Ҳаракат №4 (7) 1996. Якин тарих сахфалари
Ботир Норбой. - "БИРЛИК" ТАРИХИДАН ЛАВХАЛАР.
Суз аввали

Тарихда гох тог дарасидай жушиб, гох текисликда окаётган сувлардай секинлашиб турадиган халк харакатларининг табиати, уларнинг кайси пайтда ривож олиб кай пайтларда сусайиши, уларга кай хил одамларнинг катнашишию, кай хил типларнинг узини олиб кочиши купчиликни кизиктирар.

Узбек халки тарихида булиб утган Муканна исёни, Сарбадорлар харакати, Дукча эшон ва Жиззах кузголонлари шулар жумласидандир. Бу ходисаларнинг аксарияти тарихчилар томонидан у ёки бу даражада урганилган. Аммо тарихчиларимизнинг, зиёлиларимизнинг нофаоллиги туфайли бу ходисаларнинг жуда купчилиги бор тафсилотлари билан ёритилган эмас, холбуки, тафсилотларда жуда куп характерли жихатлар, харакатнинг ма'носи ва мохияти очилади. Инсоннинг кимлигини билиш учун уни хар хил вазиятларда синаб куриш керак булганидай, харакатларни хам кайси хил холатда кандай иш курсатилганидан билиш мумкин.

"Бирлик" халк харакати хам юкорида саналган, тарихда из колдирган харакатлардан бири. Унинг нега 80-йилларнинг охирларида пайдо булганини, кимлар, нима максадда ташкил этганини, кайси хил тоифадаги одамлар катдашиб, кандай фаолият олиб боришганини урганиш бис зиёлиларнинг, колаверса шу харакатда катнашган кишиларнинг ишидир. "Бирлик" халк харакати хакида хали куп нарсалр ёзилиши шубхасиз, аммо излар босилмай, иссигида битилган рисола ва маколаларнинг Уз урни бор.

Шу ма'нода биз, шахсан узимиз гувох булган, курган ёки якин биродарлардан эшитган вокеаларни алохида сарлавхалар остида амалга олишга харакат киламиз. Улар асосан бир кишининг кузатишлари, курган кечирганлари, эшитганлари асосида дунёга келган. Тарихни эса халк ва унинг вакиллари, куплаб тарихнависларнинг са'и харакати туфайли туларок когозга тушади. Бу ерда битилганлар кимнидир рањитиш, кимнидир кутариш учун эмас, тарих учун, холисанлилло ёзилаётганини хисобга олинар, деб умид киламиз.

Ушбу ишни лавхалар, дейилишининг ма'носи шуки, унда аксарият булиб утган вокеалар характерли, жонли лавхалар тарзида берилади. Бу лавхаларнинг хакикатга кай даражада мослигини айтиш ёки ёзиб юборишни уни укиган биродорлардан сураймиз. Зеро тарих айнан булгандай ифодаланиши, хар хил кингайишларга йул куйилмаслиги лозим.



--------------------------------------------------------------------------------

"Бирлик"нинг тузилиши

Собик ССРнинг Болтикбуйи ва Кавказорти каби худудларида бошланиб, бутун мамлакатни камраб олган ижтимоий-сиёсий жонланиш Узбекистонга хам етиб келди. Юртимизнинг уйгок зиёлилари Узбекистонда хам олтикбуйидаги ёки Озарбайжондаги каби ташкилотлар тузиш гоясини илгари сура бошладилар.

Ёзувчилар уюшмаси, Фанлар Академиясига ва Олий хамда урта та'лим министрлигига карашли институт ва университетларда ишлайдиган фаол зиёлилар, талабалар тезрок шу хил уюшма тузиш харакатига тушишди. Вазият шундай эдики, шу якин кунларда юкорида саналган муассасаларнинг бирида албатта шу хил ташкилот тузилиши мукаррар эди. Шу орада ёзувчи ва олимлардан иборат бир гурух шоир ва хонанда Дадахон Хасаннинг ховлисига йигилиб маслахатлашишиди...

Эртасигаёк "Узбекистон табиати, моддий ва ма'навий бойликларини асраш "Бирлик" налк харакати", кискача "Бирлик" номли уюшма тузилгани, ташаббис гурухи иш бошлагани ма'лум килинди. Ташаббус гурух ичида Мухаммад Солих, Абдурахим Пулатов, Дадахон Хасан, Рауф Порфи, Ахмад А'зам. Зохир А'лам, Кахрамон Гуломов сингари зиёли ва адиблар бор эди. У Ёзувчилар уюшмасининг биносида иш бошлади. Энг аввал Дастур ва Низом лойихаси тузилди.

Бир канча вактгача "Бирлик" раиссиз, фаоллар ташаббуси билан билан ишлади. Аммо кимдир унга бошчилик килмаса ишлар яхши кетмаслигини тушуниб колган фаоллар кунларнинг бирида Ёзувчилар уюшмасининг 20 хонасида раис сайлаш масаласидан гап очдилар. "Ахир Курултойгача хам "Бирлик"ни кимдир бошкариши керак-ку" деган гап айтилди. Шу тарзда хонанинг узида кимни сайламиз, деган масала кузголиб, номзодлар курсатилабошлади. Кимдир Мухамммад Солих номзодини айтувди, у дархол рад этти. Ботир Норбой "Бек Ойбекович була колсинлар" деган таклифни килди. Аммо Бек Ойбек угли хам розилик билдирмади. Шунда Мухаммад Солихнинг узи "Абдурахим ака булсин" деган таклифни уртага ташлади. Абдурахим Пулатов ортикча каршилик курсатмай рози булди. Унга Ахмад А'зам, ЗОхир А'лам ва Усмон Азимлар муовин булди. Кейин "Бирлик"нинг биринчи Курултойи хам булиб утди. Унда Дастур ва Низом тасдикланди. Абдурахим Пулатов раисликка сайланди.

Митинглар, митинглар...

Биринчи митингнинг ташаббускорлари талабалар булиб чикди. Улар талабалар шахарчасидаги чогрок бир майдонга йигилиб 1988 йилнинг илк шанбаси куни Тил байрами деб ном берилган митинг утказишди. Сал кейинро, 1989 9 февралида "Бирлик" харакати ок йул берган, бу уюшма фаолларидан айримлари хуфиёна тарзда уюштирган яна бир кичик митинг Шайхонтовурдаги Навоий хайкали кошида булиб утди. Одамлар йигила бошлагандан кейинок шу ерда жойлашган кулёзмалар институтининг директори Азиз Каюмовнинг хабари билан булса керак, бир канча хокимият вакиллари, таникли олимллар ва ёзувчилар етиб келишди. Улар талабалар осаётган шиорларни бирма-бир укиб, бир хилларини олиб куйишни маслахат бера бошладилар. Шу ерда хозир булган хавфсизлик органи ходимлари вокеани суратга ва видеога ола бошлади... Хали жиддийрок тажрибага эга булмаган бирликчилар ташаббусни кулга олиб, митингни тез бошлай колишмади. Шундан кейин купни курган Эркин Юсупов (у уша пайтда ТошДунинг ректори эди) "шиорлар яхши, хаммаси жойида, булмаса, гапирувчилар булса бошлайверамиз", деди ва узи ташаббус курсатиб атрофдагиларга суз бера бошлади. Омон Матжон, Барот Бойкобулов ва хатто Нормурод Нарзуллаев хам гапирди. Бирлик фаолларидан ба'зилари хам сузга чикди, лекин улар хали бу каби тадбирларда суз ва майдон "сохиби" эмасдилар. Эркин Юсупов хам иложи борича узи билган одамларгагина суз беришга харакат килди. У суз бермагани учун кимдир чикиб "Суз шоир Юсуф Жумаевга" деб э'лон килиб юборди. Юсуф Алишер Навоий хакидаги уткир бир ше'рини укиб берди.

Кейинрок Ленин майдони олдида ва Навоий театри ёнида митингнамо вокеалар булиб утди. Навоий театри олдида турган харбийлар йигилганларни майдонга куйишмади. Охири фаоллардан бир гуруухи Театр ёнида жойлашган нашриётнинг зинаси тепасига чикиб олиб овоз кучайтиргич ёрдамида гапира бошладилар. Шу орада "Бирлик" ташаббус гурухининг котибаси Гавхар Норматова "Бирлик"нинг мурожаатномасини укиб берди. Тез орада атроф харбийлар ва миршабларга тулиб кетди. "Бирлик" рахбарлари Ички ишлар бошкармаси вакиллари билан гаплашиб, киска вакт ичида митингни бу ерда тугатиб, Талабалар шахарчасига шахар хокимияти берган автобусларда кетишга ва у ерда митингни давом эттиришга ва'да бердилар. Лекин митинг фе'лан шу ерда утказилиб булганди. Автобусларга утириш учун асос колмаганини, энди таркалиш лозимлигини, лекин миршаблар планларини тулдириш учун ба'зи митинг катнашчиларини ушлаб кетиш хавфлари борлиги учун иложи борича узок ерларгача туп-туп холда кетиш лозимлигини сузлаган Абдурахим Пулатовни "тугри тушунган" ёшлар Талабалар шахарчасигача намойиш килиб кетдилар.

Навбатдаги митингга рухсат сураб шахар ижрокумига ариза берилганди, рахбарлар Чукурсой томондаги Карлар клубини беришди. (Бу ерда Ботир Норбой бир оз хато килаётганини айтиш керак. Чукурсойдаги митинг Навоий театри ёнидагидан аввал, 9 апрелда утказилган, театр ёнидаги эса 21 майда. - Тах.). "Бирлик" фаолларидан бир хиллари, улар бизни хакорат килишаяпти, биз Кизил майдонга боришимиз керак, деб туриб олишди. Аммо охир-окибат уша ерга боришга карор килинди.

Марказдан узок булишига карамасдан тумонат одам йигилди. Уша ерда хозир булган шахар хокимияти вакиллари митингни Клубнинг стадионида утказишга рухсат беришдан бошка чоралари колмаганди. Митинг узбек тилига давлат макоми бериш талабини куллаб кувватлаш учун утказилмокда эди. Абдурахим Пулатов митингни бошкара бошлади. Аввал узи гапирди, сунгра Ахмад А'зам, Мирза Кењабек, Мад'ёр Салоев кабиларга суз берди. А.А'зам митингга касалхонада булганлиги учун келолймаган Эркин Вохидовнинг, М.Кењабек эса митингга нима учун келмагани билинмаган М.Солихнинг йигилганларга мурожаатномаларини укиб берди. Ора-орада Дадахон Хасан сузлаб ва ашила айтиб турди. Бу йигилганларга узгача рух берди. Умуман Д.Хасан уз кушиклари билан узбек халкининг миллий уйгонишига катта хисса кушди.

Бундан кейин "Бирлик" тез-тез митинглар утказа бошлади. Хокимият вакиллари масалаларни митингларсиз хал этамиз, деб куп ва'да берешар, аммо бирорта хам ва'даларини бажармасдилар. Зотан бирликчиларнинг аксарияти ва'даларга ишонмасди хам ва хокимиятни ва'даларини бажаришга факат митинглар йули билан мажбур килиш мумкин, деб хисобларди.

"Бирлик" рахбарияти 10 сентябрда катта митинг утказишга карор килди. Хукумат яна хар доимгидек "Агар митинг килмасангизлар 10 кун ичида "Бирлик"ни руйхатдан утказамиз, жой берамиз, газетасини чикаришга рухсат берамиз" деб ва'да берди. Шу кунгача "Бирлик" рахбарияти ичида хеч качон курашда митинглардан фойдаланиш ёки фойдаланмаслик масаласида тортишув ва турли фикрлик булмаганди. Хамма Абдурахим Пулатов ва унинг атрофидагиларнинг "Матбуот яккахокимлиги бор жойда халк билан ишлашнинг асосий йули митинглардир" деган тезисни куллаб кувватларди.

Лекин бу митинг арафасида "Бирлик" ичида шу кунгача энг радикаллиги билан ма'лум булган ва доимо "кон тукилмасдан мустакилликка эришиб булмайди" деб юрган М.Солих, Зохир А'лам ва яна бир гурух тусатдан "Митинг керак эмас, унда кон тукилиши мумкин, кхукумат билан келишиб ишлашимиз керак" деган позицияга утиб олдилар.

Бу гурух "Бирлик" Марказий кенгаши Хай'ати ичида купчиликни ташкил килгани учун митингни тухтатиш ва ва'даларни кутиш карори олинди.

Бу карор Абдурахим Пулат тарафидан А.А'зам, Гулчехра Нуриллаева ва бошкалар иштирокида телевидениеда утказилган бир эшиттиришда э'лон килинди. Кувончини яширолмаган хукумат бу эшиттиришни 3-4 марта кайталаб намойиш килдирди ва уни бутун республик курди. Аммо бир канча вакт утишига карамасдан "Бирлик"га жой хам, газетага рухсат хам берилмади.

Хукумат уз ва'даларини бажармагач, А.Пулатов атрофидагилар яна митингларга чакирабошладилар. Чунки "Бирлик"нинг уша кунлардаги асосий талаби - узбек тилини давлат тили килиш - бажариладиганга ухшамасди. М.Солих тараф митингларга жиддий каршилик билдирмаса-да, хайрихох хам эмасди. Шу кунларда бу гурух хукумат ва'даларига алданганини тан олгиси келмасдан "Ва'далар бажарилиши учун хукуматнинг яна бир талабини бажариш керек, я'ни уларга ёкмаётган А.Пулат раисликда кетсин" дея бошладилар...

Митинглар (аслида узбек тилининг келажаги учун кураш) давом этарди. Хар бир митинг хакидаги э'лонлар Тошкентнинг барча жойларига, вилоят ва туманларгача таркатиларди. Митингларга Узбекистонниг хамма бурчагидан одамлар окиб келарди.

1 октябрдаги митингни хукумат Талабалар шахарчасида утказишга рухсат берди. Аммо А.Пулатв уни Ленин майдонда утказамиз, деб туриб олди. Одамларнинг купчилиги Ленин машйдонига окиб кела бошлади. Аммо майдон миршаблар ва аскарлар томонидан ураб олинган булиб, у ерга хеч кимни утказишмасди. Хозирги Мустакиллик метросининг Шароф Рашидов (илгариги Ленин) кучаси билан туташган жойида митинг бошланиб кетди. Асосий мавзу узбек тилига давлат тили макоми берелеши кераклиги, халкнинг иктисодий ахволи, пахта монокультураси масалалари эди. Абдурахим Пулат талабалрга мурожаат килиб, мана якинда пахта терими бошланади, сув текинга марказга олиб кетиладиган пахтани сизларга тергизишади, нима киласизлар, пахтага борасизларми? деб савол берди. Чор атрофдан пахтага бормаймиз, деган овозлар эшитилди. Сузга чиккан Б.Норбой узбек тилига давлат тили беришга каршилик килаётган ташкилотлар тугрисида гапирди.

Шу орада метро станцияси деворининг пастида М.Солих пайдо булди: "Абдурахим, митингни Талабалар шахарчасида утказамиз деб мен ва'да берганман, уша ерга кетамиз деб э'лон килинг", деди. Аммо Абдурахим Пулат бундай деб э'лон килмади. Солих бу гапни бир неча марта айтди, сунгра Абдурахим Пулатдан микрофонни олиб куймокчи булди. Шунда у "Агар шунака килаверсангиз, Мухаммад Солих бизни хукуматга сотиб келипти, деб э'лон киламан", деди. Соли индамай, тумтайиб кетворди.

Шу пайт митингчилар атрофида куролланган аскарлар пайдо булди. Абдурахим Пулат "Биродарлар, мана автоматлар билан куролланган солдатлар келишди, бу ифлослар бизларга караб ук отиши хам мумкин, нима киламиз?" деб суради. Чор атрофдан "Отса отаверсин, туриб берамиз", деган овозлар янгради.

Шундан сунг одамлар Ленин майдонига ёриб утишга интила бошлашри, Урда атрофида ва Талабалар шахарчасада йигилганларни чакириш учун одамлар юборилди. Куп утмай улар хам етиб келдилар, амма Навоий кучасидан Ленин кучасига бурилишда милиция ва аскарлар томонидан тухтатилдилар. Лекин икки гурух икки томондан бараварига юришга утганди, милиция ва аскарлар бардош беролмай йулни очвордилар. Ленин майдонига ёриб утилди ва митинг уша ерда давом эттирилди. Сунгра А.Пулат митинг Талабалар шахарчасида давом этишини э'лон килди ва йигилга ун мингларча оломан Талабалар шахарчасига саф-саф булиб йул олишди. Сафнинг бошлари хозирги Чорсу (аввалги Москва) мехмонхонасига етганда охири Пахтакор метросининг тугрисида эди.

Халкимизнинг миллий шуурини уйгонишида ва миллий харакатнинг оёкка туришида мислсиз рол уйнаган бу митинг ва намойиш "Бирлик"чи режисёр ва оператор Абдулазиз Махмудов томо-нидан койилмаком килиб кинога олинган. Ун мингларча кишиларнинг "О-зод-лик" ва "Бир-лик" хайкириклари остида Тошкентнинг марказий кучалардан бугун эмас, хали Совет империяси куламасдан аввал, 1989 йилда юриши биз уз-узидан мустакил булиб колдик, деб иддао килаётганлар учун энг яхши жавобдир. (Бу ерда Ботир Норбойнинг хотираларига принципиал булмасада бир аниклик киритиш лозим. Муаллиф икки айри кун вокеаларини кушиб юборган. 24 сентябрда метронинг "Ленин майдони" станцияси ва Урда атрофида тупланган халк Ленин майдонига ёриб кирган ва уша ерда митинг утказган, 1 октябрда эса бу ердаги митингдан сунгра Талабалар шахарчасига юриш килинган. - Тах.)

"Бирлик"ка дарз кетди

Шу вокеалардан кейин "Бирлик" ичидаги икки гурух кутбланишга кетди. Улардан бири митнг утказмаслик, хукуматга ён береш ва унинг "Бирлик" раисини узгартириш хакидаги талабларини бажариш керак, деб хисобласа, иккинчи эса бутун бошка жумхуриятларда каби коммунистик хукуматни факат митнглар йули билан халкнинг талабларига кулок соладиган килиш мумкин, деб хисобларди.

Харакатнинг Марказий кенгаши Хай'атида ишлар огзаки булиниб олинганди. Балки расмий макомга эга булгани учун (Ёзувчилар уюшмасининг котиби сифатида) Мухаммад Солих чекига хукумат билан мулокот олиб бориш тушган эди. Аммо у сунг пайтда республиканинг катта рахбарлари билар учрашиб тургани кулокка орка-воротдан эшитилиб колинаётган булсада, унинг узи хамма нарсани Хай'атдан яширарди.

уша кунларнинг бирида Мухаммад Солих Хай'атнинг купчилиги узи билан биргаликда эканлигини айтиб, Абдурахим Пулатдан "Бирлик" раислигидан кетишни талаб килган. у хайрон булиб, кетсам кетарман, деган ма'нода елка кисган. Бу гапни эшитган "Бирлик" фаоллари "Хай'ат хечнарсани хал этишга хакки йук, уни Курултой сайлаганини, керак булса Марказий кенгаш ва Курултойни чакириш кереклегини" айтиб, Абдурахим Пулатга хеч каерга кетмасликни маслахат берганлар. Шундай килиб "Бирлик"даги дарз борган сари кенгайиб бораверган.

(Давоми бор)