Журнал Ҳаракат №6 (33) 2001. Кечагина утган кунларимиз
"Бирлик"нинг Интернетдаги сахифасидан
6 октябрь 2001 йил


Узбекистон инсон хукуклари жамиятининг Курултойи булиб утди
6 октябрда Тошкентда Узбекистон инсон хукуклари жамиятининг 3-чи Курултойи булиб утди. Эрталаб Курултой утказиш учун арендага олинган Тошкент марказидаги Ал-Азиз ресторанининг мажлислар залига 50 нафар делегат, АКШ, Германия, Польша ва Швецария давлатларининг элчилари, яна баъзи Гарб давлатлари элчиликларининг вакиллари, ЕХХТ Тошкент Бюросининг раиси, БМТ Тошкент офисининг вакили ва катор халкаро ташкилотлар вакиллари ва ахборот воситаларининг мухбирлари тупландилар. Аммо хокимият хеч кандай важ хам курсатмасдан ресторан маъмуриятига босим утказиш йули билан Курултойни бу ерда утказтирмади. Делегатлар ва мехмонларнинг бир кисми Жамиятнинг офисига айланиб колган уйга - Толиб Ёкубнинг квартирасига келдилар ва Курултойни шу ерда утказдилар. Курултойнинг натижалари шундай: Жамиятнинг раиси (Толиб Ёкуб) ва 8 кишидан иборат секретариат (Сайёра Худайберганова, Руслан Шарипов, Гайрат Мавлонов, Сотволди Абдуллаев, Суръат Икрамов ва б.) сайланди. Жамият Низоминининг сунг вариантини тайёрлаш учун 5 кишилик Комиссия тузилди.

9 октябрь 2001 йил


Афгонистондаги вокеалар узбекларга кандай таъсир килмокда
АКШ харбий-хаво кучларининг Афгонистонни бомбардимон килишлари Каршиликларни куп хам сергаклантирмади. Ахоли орасида утказилган кичик бир социологик тадкикот шуни курсатмокдаки, Каршиликларнинг купчилиги хаво хужумлрини ёкламокдалар. Бор йуги, рус миллатига мансуб бир аёл бу ходиса, айникса Америка харбийлари учун хаво коридорининг очиб куйиланлиги узбекистонликлар учун хавф тугдиради, деб таъкидлади. Суровда иштирок этганларнинг аксари, бомбардимонлар натижасида Афгонистонлик кочокларининг Узбекистонга кириб келишларининг олдини олиш зарурлигини айтиб утишди ва буни сабаби килиб кочоклар билан бирга террорчилар хам кириб келиши мумкинлигини курсатишди. Расмий матбуотнинг таъсири остида хар бир бегона одамга салкам террористдек караш хозир хамманинг онгига шундай сингиб кетганки, ахир бу кочоклар нариги бетда яшаётган узбекларку, деган «кутилмаган» рукач каршисида хамма лол булиб колмокда.

10 октябрь 2001 йил


Америкаликлар ким билан хамкорлик килишаётганини билишади
«Вашингтон Пост» газетаси сунг ой ичида салкам хар куни Узбекистоннинг Афгонистон атрофида булаётган вокеалардаги ролига багишланган маколалар чикармокда. Кизиги шундаки, газета Узбекистоннинг бугунги хукумати АКШнинг хамкори булятганидан мамнунлик билдирсада, Узбекистон хукуматини, шахсан унинг президенти Каримовни хакоратлаш даражасига етиб бораятган сузлар билан танкид килишни давом эттирмокда. Газетанинг 9 октябрь сонидаги макола хам шу анъанани давом эттиради. Маколада Каримовни Узбекистоннинг диктатори деб аташ билан бирга, унинг Узбекистон парламентида «Ислом экстримистларини пешонасидан отиш лозим», «Мен узим шахсан уларнинг пешонасидан отаман» деган сузларини келтириб, Каримовни бир конхур одам килиб курсатган.

12 октябрь 2001 йил


АКШ газетаси Абдурашид Дустим хакида
«Вашингтон Пост» газетасининг 11 октябрь сони аввалгилари каби Афгонистон атрофидаги вокеаларга катта урин берган. Бугунги маколаларнинг бири Шимолий Афгонистондаги узбекларнинг лидери деб танитилган Абдурашид Дустимга багишланган. Хозир Шимолий Альянс, хусусан Абдурашид Дустим кучлари АКШ билан хамкорлик килаётган булсалар хам газетанинг шархловчиси Сюзан Глассер узбек генералини факат макташ билан овора булган деб булмайди. Маколада Абдурашид Дустим аввал Советларга боглик булган милиция кумондони булгани, СССР кушинлари чикиб кетгач, у мужохидлар тарафига утгани, тугри келган давлатга хизмат килиб, уларнинг ёрдамини олганини ёзади ва бу давлатлар руйхатини беради – Русия, Узбекистон, Эрон, Покистон ва нихоят Туркия.

Макола муаллифи бу кунлардаги вокеаларга утаркан, Абдурашид Дустим якин кумондонлари билан шу йил март ойида Афгонистонга кайтиб келиб Мозори-Шариф якинларидаги тогларда кушин туплаганини, лекин бу кушиннинг асосий умиди - АКШ толибларнинг асосий кучларини яксон килиши эканлигини таъкидлайди. Дустимнинг узи хам бу фикрни куллаб-кувватлаш билан биргаликда, «Америка бизсиз толибларни тула енголмайди» деган гапларни хам айтади.

Абдурашид Дустим хозиргача катта мувафаккиятларга эришолмаганининг сабаби килиб Шимолий альянсга Русия тарафидан берилаётган ёрдам – танклар, вертолётлар, бошка куроллар ва озик-овкат - асосан Ахмад Шох Максуднинг урнини эгаллаган генерал Мухаммад Фахим кулига келиб тушаётганини, узига хеч нарса келмаганини курсатади. Шундай булса хам, дейди у, Шимолий Альянс бирдан бир реал куч ва АКШ унга купрок ёрдам бериши керак. Унинг гапига караганда, узбек кушинлари сунг кунларда 20 аскар ва 5 командир йукотганлар, Кобул ва Мозори-Шарифни кулга киритиш эса америкликларнинг толибларни бомбардимон килишдаги мувафаккиятларига боглик.

19 октябрь 2001 йил


АКШлик дипломат Кашкадарёда инсон хукуклари масаласи билан танишди
17 октябрь куни Карши шахрига АКШнинг Узбекистондаги элчисининг биринчи муовини Эдвард Бургхалтер ташриф буюриб, хокимият вакиллари ва вилоятдаги хукук химоячилари билан учрашди. Жаноб Бургхалтерни кизиктирган асосий масала - вилоятда инсон хукукларини химоя килишга кандай муносабат курсатилаятгани булди. Америкалик дипломатни кабул килган Карши шахар хокими Илхом Асадов ва вилоят хокими муовини Назар Хакимовлар Кашкадарёда инсон хукуклари муаммоси йуклиги, президент Каримов бошчилигида бундай муаммолар аллакачон йук килингани, Узбекистон бу сохада дунёнинг илгор улкалари каторида эканлигини айтиб мехмонни лол колдиришди.

Кейинги учрашув Узбекистон Инсон Хукуклари Жамияти Кашкадарё вилоят булимининг аъзолари билан булди. Махаллий хукук химоячилари ва уларнинг раиси «Бирлик»чи Тулкин Кораев вилоятда, айникса, мухолифатчи ва диндорларнинг хак-хукуклари оммавий равишда топталаётганини фактлар билан гапириб беришганда, жаноб Бургхалтер иккинчи марта лол колди, десак булади.

Жаноб Бургхалтер Тошкентда милиция ертуласида вахшийларча улдирилган Шоврик Рузимуродов масаласи билан алохида кизикди ва у яшаган кишлокка хам бориб келди. У Яккабогда Шоврик Рузимуродовнинг оиласини ахволи билан танишди. Маълум булишича, Рузимуродовлар оиласи бугун жуда ночор ахволда, махаллий хокимият бу оиланинг аъзоларига иш хам бердиртирмайди, Шоврукнинг 7 нафар ёш фарзандига давлат бор йуги 16 минг сум нафака тайинлаш билан чекланган. Айни замонда, «Бирлик»нинг чет элда мажбуран яшаятган рахбарлари Шоврукнинг оиласига моддий ёрдам беришни бошлаганлари хам маълум булди.

Мехмон Шоврук Рузимуродовнинг уйидан милиция олиб кетган, Узбекистон Инсон Хукуклари Жамиятининг мулки хисобланмиш оргтехниканинг кайтарилмаётганлигини эшитгач, бу масалани Тошкентда керакли одамлар билан гаплашажагини айтди.

Шу кунларда Афгонистонда булаётган вокеалар туфайли хукук химоячилари АКШлик дипломатдан баъзи саволларига жавоб олишга харакат килдилар. Жаноб Бургхалтер АКШ харбий хаво кучларининг Узбекистонда жойлаштирилаётганлигини кескин инкор этиб, бу факат ярадорларни жанг майдонидан олиб чикиб кетишга мулжалланаётган тадбирлардир, деди ва келажакда кандай узгаришлар булишини аввалдан айта олмаслигини билдирди.

23 октябрь 2001 йил


ЕХХТнинг раиси Путин ва Каримовни огохлантирди
Европада Хавфсизлик ва Хамкорлик Ташкилотининг раиси Мирча Джоанэ икки кун Тошкентда булди. Аввал хабар килганимиздек, у 22 октябрь куни хукук химоячилари ва нохукумат ташкилотларининг вакиллари билан хам учрашув утказиши мулжалланганди. Бу учрашувдан олдин булган Мирча Джоанэнинг оммавий ахборот васиталарининг вакиллари билан учрашуви чузилиб кетгани сабабли хукук химоячилари ва нохукумат ташкилотларининг вакиллари билан учрашув утказилмади. Лекин улар Мирча Джоанэнинг оммавий ахборот васиталарининг вакиллари билан учрашувининг охирги этапига кирдилар. Мирча Джоанэ алохида учрашув утказолмагани учун улардан узр суради.

Лекин мухим булган нарса шуки, Мирча Джоанэ Тошкентда булганида Россия ва Узбекистонни Афгонистондаги терористик операцияни бахона килиб ички мухолифатни йук килишга уринмасликлик хусусида огохлантирди. Унинг Россияга килган огохлантириши Чеченистон хусусида эди. Мирча Джоанэ Узбекистон хусусида гапираркан, ислом экстримизмига карши кураш оддий диндорларга каратилмаслиги кераклигини, Узбекистон хукумати сиёсий мухолифатчиларни камокхоналардан чикариб юбориши лозимлигини айтди. ЕХХТнинг раиси бу масалада Россия ва Узбекистонни биргаликда тилга олиши халкаро жамоатчилик Россиянинг Чеченистондаги репрессиялари билан Каримовнинг сиёсий ва исломий мухалифатга карши олиб бораятган репрессияларини бир даражага куя бошлаганини курсатади.

24 октябрь 2001 йил


ЕХХТ раисининг Тошкент зиёрати хакида кушимча тафсилотлар
Шу йилнинг 22 октябрида Узбекистон Президенти И.Каримов Европада Хавфсизлик ва Хамкорлик Ташкилотининг раиси, Руминия Ташки ишлар вазири Мирча Жеоанэ билан учрашди. У Мирчу Жоаненинг Тошкентга ташрифи Узбекистон ва ЕХХТ уртасидаги муносабатларнинг хар томонлама ривожланишида мухим ахамият касб этади, дея кайд этди. Учрашувда Узбекистон билан ЕХХТ уртасидаги муносабатларнинг келгусидаги ривожи, шунингдек, минтакавий хавфсизлик билан боглик булган масалалар мухокама килинди.

Кеча берилган хабаримизга илова килиб шуни айтиш лозимки, жаноб Жоанэнинг оммавий ахборот воситалари вакиллари билан учрашуви вактида бу ерга келган мухолифатчилар ичида «Бирлик» халк харакати Фаргона вилояти ташкилотининг раиси Исмоил Дадажонов хам булган. У ЕХХТ раисига Узбекистон президентининг бугунги олиб бораётган сиёсати юзасидан битилган Баёнотини топшириб, ЕХХТга аъзо булган барча давлатлар Узбекистоннинг нодемократик позициясига локайд булмасликлари, ЕХХТнинг Тошкентдаги ваколатхонаси фаолиятини кенгайтириш кераклиги ва бу масалаларни шахсан ЕХХТнинг раиси узи назоратига олиши лозимлигини таъкидлаган.

26 октябрь 2001 йил


АКШ конунига Узбекистонга оид мухим кушимчалар киритилди
Шу йил 24 октябрь куни АКШ сенати «Чет элда утказиладиган операцияларни таъминлаш» хакида конун кабул килди. Хали бу Конун эълон килингани йук, аммо у антитеррористик операцияларни моддий таъминлаш хакида эканлиги маълум. Демак у ерда Узбекистонга ёрдам бериш хакида хам моддалар бор. Бу фикрни аник исботи шундан иборатки, конуннинг лойихасини мухокама килиш пайтида сенатор Веллстоун унга бир кушимча киритишга мувофик булган. Бир неча катордан иборат булган бу кушимча ва уни мухокама килиш вактидаги сенатор Веллстоуннинг нутки кулимизга тушди.

Конуннинг кушимчасида 3 модда бор. Биринчи: Узбекистонга ёрдам бериш бошлангач, 6 ойдан сунг Давлат Департаменти бу хусусда махсус хисобот эълон килади. Иккинчи: Бу хисоботда Узбекистон армияси, чегара кушинлари, МХХ ва ИИВ кандай ёрдам олгани курсатилади. Учинчи: Бундан олдинги моддада санаб утилган структуралар инсон хукукларини ва халкаро конунларни бузишга кай даражада аралашганлари хисоботда курсатилади.

Сенатор Веллстоуннинг нуткининг кискача маъноси куйидагича. Узбекистон 11 сентябрдан кейин бошланган антитеррористик кампанияда бизнинг хамкорларимиздан бири булди. Аввал купчилик хатто билмайдиган бу мамлакат Афгонистон билан чегарадош. Биз Узбекистоннинг биз билан хамкорлик килиш истагидан мамнунмиз, лекин ким билан хамкорлик килаётганимизни аник билишимиз керак, деб нуткини бошлаган сенатор, нуткининг колган кисмини Узбекистоннинг коп-кора буёклар билан чизилган расмини тасвирлашга багишлайди. Бу сайтнинг укувчилари Узбекистондаги ахволни яхши билганлари учун бу нуткнинг тафсилотларини бу ерда бермокчимасмиз. Лекин унинг тула матнини инглизча ва узбекча тилларида сайтда эълон киламиз.

Сенатор Веллстоун Узбекистон хукумати терроризмга карши кураш бахонаси остида оддий диндорларга карши катагон сиёсати олиб бораётганини айтар экан, ахолисининг 80 фоизи мусулмонлар булган давлатда бундай сиёсат хеч качон баркарорликка олиб бормаслигини хам таъкидлайди ва Human Rights Watch ташкилотининг хисоботларидан олинган ва нормал одамнинг сочларини тикка киладиган Узбекистонда милиция ва МХХ тарафидан утказилган баъзи кийнокларни тафсилотлари билан сузлаб беради.

Хеч шубха йукки, АКШ сенаторлари бу нуткдан кейин Узбекистонга ёрдам беришга карор беришган булса, улар хали 11 сентябрь вокеаларининг катта таъсири остида булганларидандир. Зотан сенатор Веллстоуннинг хам максади ёрдамнинг йулини тусиш эмас, ёрдам кандай ишлатилаётганини инсон хак-хукуклари нуктаи назаридан контрол остига олиш эди. У уз максадига эришди.

31 октябрь 2001 йил


Кимга туй – кимга аза
Термиз туманидаги Орол кишлоги мамлакатимизнинг Афгонистон билан чегарадош худудида жойлашган. 30 октябрь куни ушбу чегара булимларида Сурхондарё ва Кашкадарё вилоятларининг ашула ва ракс дастаси катта концерт программасини ташкил килди. Концерт программаси «Хеч кимга бермаймиз сени Узбекистон» деб аталди. Карс-бадабанг ва карнай-сурнайларнинг жаранги бу ердан атиги бир чакирим хам келмайдиган кушни Афгонистонга учиб утаётган бомбардимончи самолётларнинг овозию бомбаларнинг портлашларини хам босиб кетди.

«Кушнинг тинч - сен тинч» деган наклнинг Узбекистонга хеч кандай алокаси йуклигини ва бу сингари концерт программалари Каримов режими бошлангандан бери халкни сиёсий жараёнлардан чалгитиш учун ишлатилиб келятганини Узбекистонликлар яхши биладилар.

8 ноябрь 2001 йил


Тошкентда Америка хукуматининг вакили билан учрашув
7 ноябрь куни Американинг Узбекистондаги элчихонасида шу куни Тошкентга ташриф буюрган АКШ Давлат котибининг уринбосари Ла Паско бир гурух мухолифат вакиллари ва хукук химоячилари билан учрашди. Учрашувда Ла Паско Узбекистонда инсон хукукларининг бугунги ахволи билан кизикаётганини ва бу хакда маълумот беришларини суради.

Суз биринчи булиб «Бирлик» халк харакатининг котибаси Васила Иноятга берилди. Унинг гапларини кискача мазмуни шундай: «Биз Узбекистонда инсон хукукларининг аёвсиз паймон килинаётгани хакида бу ерга келган мехмонларга хабар беравериб чарчадик. Энди Узбекистон режимининг мохиятини хамма билади, жумладан АКШ хам. АКШ Конгрессида бу хакда катор мухокамалар булди. Мана энг охирги мисол. Якинда АКШ сенати бошка давлатларга ёрдам бериш масаласини кураётганда, сенатор Веллстоун унга бир кушимча киритган. Сенатор Веллстоуннинг нутки ва кабул килинган кушимча курсатиб туриптики, Америка расмийлари хам Узбекистон режимининг диктатура эканлигини, бу режим уз халкига карши репрессия утказаётганини жуда яхши биладилар. Шу сабабали, мен бу ерда ахборот беришга хожат йуклигини айтмокчиман. Биз хозир Узбекистонга ёрдам бераётган ва ЕХХТнинг аъзоси булган буюк давлат – АКШ, Узбекистондаги ахволни тузатиш учун нима килиши керак ва кандай килиб Узбекистон хукуматига таъсир курсатиши кераклигини гаплашимиз керак. Биз «Бирлик» халк харакати сифатида уз баёнотимизда Узбекистон АКШнинг халкаро терроризмга карши курашига кушилиши кераклигини таъкидладик. Лекин бу деганимиз, Америка Узбекистон хукуматининг уз халкига карши олиб бораётган террор сиёсатига куз юмиши кераклигини таказо этмайди. Аксинча, бу хамкорликдан Узбекистон хам манфаатдор булгани учун, АКШ Узбекистон хукуматидан демократик принципларни хурмат килишни талаб килиши лозим, инсон хукуклари билан шугулланувчи ташкилотларни руйхатга олинишини талаб килиши лозим, демократик мухолифатни, биринчи навбатда «Бирлик» халк каракатини тан олишга ундаши лозим. Бу нарсалар ЕХХТ аъзоси булган АКШнинг мажбуриятидир хам. Токи Узбекистон хукумати уз халкига нисбатан террористик сиёсатидан воз кечмас экан, АКШнинг террорга карши террорчилар билан хамкорликда булишини биз уз халкимизга тушунтиришимиз кийин булади, Узбекистонда демократик жараёнлар хеч олга кетмайди, террорнинг илдизлари киркилмайди. Биз бу масалаларда АКШ хукуматидан конкрет ёрдам кутамиз».

Куринишидан, Ла Паскони энг хайрон колдирувчи нарса Васила Иноятнинг Узбекистон хукуматини «террористик хукумат» деб таърифлаши булди ва у бу масалада изох суради. Васила Узбекистон хукуматининг уз халкига ва ислом динига карши олиб бораётган ишларини баъзи мисоллар билан таърифлаб, агар «Бу террор булмаса, террор нима узи?» деб сураганидан кейин Ла Паско маъкуллаш аломатини билдирувчи бош кимирлатиш билан чегараланди.

Учрашувда Василадан ташкари Узбекистон инсон хукуклари жамиятинингг раиси Толиб Ёкуб, Инсон хукуклари мустакил жамиятининг раиси ва раис ёрдамчиси Михаил Ардзинев ва Отаназар Орипов иштирок эттидалар. Аввалги бу каби учрашувларда Америкалик мехмонларнинг истаги буйича факат маълумот бериш билан чекланишга урганиб колган бу кишилар Василанинг оташин нуткидан кейин унинг асосий фикрига, яъни бу каби учрашувларни маълумот бериш учрашувидан нима килиш керак саволи устида уйлайдиган учрашувга айлантириш фикрига кушилдилар ва Василанинг гапларини баъзи тарафларини конкретлаштирдилар.

Ла Паско бу фикрларини албатта Вашингтонга етказишини, Америка рахбари Узбекистонда демократик жараёнларнинг боришини уз назоратига олаётганини, Америка давлати хеч бир замон Афгонистон халкига, колаверса исломга карши уруш олиб бормаслигини, уруш терроризмга карши олиб борилаётганини таъкидлади.

11 ноябрь 2001 йил


Америкаликлар Намангон ва Жума Намангоний билан танишдилар
«Вашингтон Пост» газетасининг 10 ноябрь сонидаги ярим сахифалик макола газета укувчиларини Намангон шахри ва унинг бу кунда дунёда энг машхур булган одами - Жума Намангоний билан таништиради. Маколанинг муаллифи Доуг Страк исломнинг илдизлари жуда чукур булган бу шахарда Жума Намангонийнинг уйи доимо видеокамера ва хукумат жосуслари таъкиби остида эканлиги, одамлар Жума хакида гап очилиши билан кузларини олиб кочиб, узларини уни танимасликка солишларини ёзади. Номини айтишни истамаган бир укитувчининг Жума Намангоний одамларини назарда тутиб «Мен уларни куллаб-кувватламайман, лекин улар бор пайтда интизом бор эди, кучалар тинч булган эди» ва бир ишсиз йигитнинг «Хукумат одамларни босим остида ушлаб туриш учун ислом экстримизми тахликасини бахона сифатида ишлатмокда» деган сузларини келтиради.

Макола муаллифи баркарорликни саклаб колиш бахонаси билан президент Каримов аввал дунёвий мухолифатни яксон килганини, сунгра ислом экстримизмини олдини олиш бахонасида оддий мусулмонларга карши террор бошлаганини, буларнинг натижасида Узбекистон исломий харакати вужудга келганини ёзаркан, Тохир Йулдош бошчилигидаги мусулмонларнинг 1990-92 йилдаги ишлари, сунгра улар Тожикистонда фукаролар урушида иштирок этиб, сунгра Афгонистонга кандай килиб утиб колишларининг тарихини очиб беради. Каримовнинг 1991 йил декабрида Намангонда Тохир Йулдошнинг кулида феълан гаровда булгани хакидаги видеофильмни курган макола муаллифи бу эпизодни ёритаркан Тохир Йулдош билан Жума Намангонийни адаштириб юборганини хам айтиш лозим. Маколада Жуманинг тафсилотли биографияси хам берилган.

Гарб экспертларининг фикрига асосланиб, Жума Намангонийнинг Осама бин Ладен билан алокалари борлиги ургуланган бу маколада, Жума Намангоний ва бир катор сафдошлари Тошкентдаги 1999 йил 16 февраль портлашлари туфайли Узбекистон тарафидан улимга хукм килинганликлари хам эслатилган ва президент Каримовнинг Узбекистон Исломий харакати аъзоларини назарда тутиб «Уларни узим пешонасидан отаман», деган сузлари келтирилган.

18 ноябрь 2001 йил


Узбек милицияси «мардлигини» курсатмокда
Чорсу бозорида анча вактдан бери мардикорчилик билан хаёт кечириб келаётган Косонлик Жуманов Рузибойнинг танишлари уни 6 ноябрь куни чала улик холатда бозор четидан топдилар. Унинг бош-кузи ёрилган, бадани кучли зарбдан моматалок булиб кетган эди. Рузибойнинг танишлари - у икки кун аввал милиция ходимлари томонидан автобусга солиб олиб кетилганини, шундан кейин бозорда куринмай колганини эса, улар узларича «Хойнахой милиция уни уйига жунатиб юборган» деб уйлаб юришганини айтишди. Одамлар милиция сузини эшитибок: «Энди милиция ёки тез ёрдам чакириш бефойда, яхшиси уни таниш-билишлари уйларида даволаганлари маъкул», деган фирга келишди. Узбек милицияси яна бир галабасини кутлаши мумкин – мардикорлар хам уларнинг кучини тан олишди.

22 ноябрь 2001 йил


ЕХХТ вакиллари «Бирлик»чилар билан учрашдилар
20 ноябрь куни Узбекистонга ЕХХТининг Парламент ассамблеяси делегацияси ташриф буюрди. Делегация Узбекистон парламентининг раиси Эркин Халилов билан учрашди. Айни шу куни мехмонлар ЕХХТ Тошкентдаги биносида «Бирлик» фаолларидан Исмоил Дадажонов, Искандар Худойберганов, Музаффармирзо Исхоков, Хайитбой Ёкубов, Рафикжон Ганиевлар билан учрашиб Узбекистондаги ижтимоий сиёсий ахвол, демократик жараёнларнинг бориши, инсон хукуклари масалалари сохасида сухбатлашдилар. «Бирлик»чилар бир неча ой аввал ЕХХТга аъзо булган давлатларга килган мурожаатларидан келиб чиккан холда, Узбекистон хукумати уз буйнига олган мажбуриятларини бажаришни хануз истамаётгани, бундай ахволга Европа хамжамиятига аъзо давлатлар локайд карашга хаклари йуклигини таъкидладилар. Делегация рахбари мухолифатчи ва хукук химоячиларини хар тарафлама куллаб кувватлашга ва Узбекистон хукуматини демократик жараёнларнинг ривожланиши учун йул очишга ундашга давом этажакларини билдирдилар.

4 декабрь 2001 йил


Узбек жангариларини афгон узбеклари ушлашди
Вашингтон Пост, 3 декабрь. Газетанинг мухбири Люиз Раймондонинг «Толокон касалхонасида офатнинг олди олинди» номли маколасида, куринишидан биринчи марта, Узбекистон Исломий Харакатининг жангчилари булмиш узбек йигитларининг Афгонистонда борлигини курсатувчи, лекин тула ишониш кийин булган, вокеалар баён килинади. Унинг кискача мазмуни шундай: Каерларидан ярадор булганликлари хам унчалик аник булмаган ва узбек тилида гаплашаётган 10 нафар аскар утган хафтанинг кайсидир бир кечаси «бир-биримиздан ажралишни истамаймиз, бизни бир ерга ёткизинг», деб Афгонистоннинг шимолий шахарларидан Толоконнинг касалхонасига келишипти. Уларни кабул килиб олган махаллий узбеклардан Азизий исмли доктор - бу 10 киши чет элликлигини ва улар Толибон тарафида урушганларини тушунган, аммо каслхонанинг коидасига кура хамма касалларга бир хил караши лозим булгани учун, уларни бир хонага жойлаштирган. Хамма бу кишиларнинг чет эллик эканликларини билган, лекин бу касалхонада душманнинг ярадорлари узлариники билан хар кадамда бир хил ётганликлари учун уларга хеч ким ортикча ахамият бермаган. Яъни, хеч ким билмаганки, бу 10 киши узларининг бу дунёдаги охирги миссияларини бажаришга келган бомба-одамлар эди.

Улар касалхонага келишгач, бир кундан кейин фош этилдилар. Бир-бирлари билан бир нарсаларнидир гаплашиб турган, аммо бирон одам якинлашганда жим булган бу йигитлар шу касалхонада даволанаётган танишини куриш учун келган Афгонистонлик узбек дала командирининг диккатини жалб этади. У уз аскарларни чакиради ва доктор куригидан утказиш бахонаси билан бирма-бир палатадан чакириб олинган узбек йигитлари Афгонистонлик узбек аскарлари тарафидан бирма-бир кулга олинганда, хар бирининг кийими остида портлатишга тайёр булган кичик бомба ёки граната осиб олинганлиги маълум булади. Анестезиолог Сайид Азимуллох бу йигитлар узларини юкори даражадаги генерал билан учраштиришни сурашганлигини эслаб, улар чет эллик журналистларни ёки юкори мансабли командирларимизни улдиришмокчи эди, деб хисоблайди.

Толокон хавфсизлик хизмати бошлиги Аваз Хоннинг айтишича, бу ерларда яна канча террористларнинг борлиги номаълум, аммо улар бор, уларнинг фаолиятини тухтатиш учун керакли тадбирлар олинмокда. Маколага бир неча расм илова килинган. Уларнинг бирида расмга олинаётганликларининг фаркида эканликлари куриниб турган 5 кишининг расми бор. Уларни тушкинлик ичидаги одамлар дейиш кийин, аммо паришон эканликларини сезса булади. Уларнинг кейинги такдири маколада ёзилмаган.

5 декабрь 2001 йил


АКШлик фонднинг «Харакат» журналига ёрдами
Узбекистонда бирдан-бир хукуматдан мустакил булган «Харакат» журналининг сал кам олти йилдан бери хеч тухтамасдан нашр килиниши ва Узбекстонда таркатилиши бу мамлакатдаги сиёсий вазиятни билганларни хайратга солмокда. Айни замонда, журнални тайёрлаятган гурухга ёрдам бериш кучаймокда. Шу кунларда маркази Вашингтонда жойлашган Миллий Демократия Фонди журнал учун яна 5 компютер берди. Шундай килиб охирги 2-3 йилда журналнинг эхтиёжлари учун берилган компютерларнинг сони 20дан ошиб кетди. Уларнинг хаммаси Тошкент ва жумхурият вилоятларида ишлатилмокда. Уларнинг 7таси электорон почтага уланган. Якин 2-3 ой ичида яна 3 компютер берилиши режалаштирилган.

21 декабрь 2001 йил


Каримов Кашкадарёга келди
20 декабрь куни Карши шахрига президент Ислом Каримов ташриф буюрди. Унинг келиши олдидан Карши шахар аэропорти милиция нарядлари томонидан куршаб олинганини гапириб утирмаса хам булади. Мамлакат рахбарининг ташрифдан максади, Гузор тумани худудида курилган ва халк орасида Химкомплекс деб билинган корхонанинг очилиш маросимида катнашиш эканлиги тор доирадаги одамларга билдирилди. Президент комплексни очдими, ёки йукми, бу хам коронгулигича колди, чунки мазкур объект хам милиция ва махсус хизмат одамлари томонидан куршаб олинганди. Каримов узи билан бирга республика оммавий ахборот востиалари мухбирларини хам ола келди. Шу сабабли, хатто вилоят ижтимоий-сиёсий газетасининг на мухбирию на мухарири иштирок эта олди бу «тантанада».

Кизиги шундаки, шу куни вилоят телевидениеси ва радиоси хам президент ташрифи хакида лом-мим демади. Шундай килиб, Кашкадарёликлар тенги йук президентлари нима килдию нима килмаганидан бехабар колдилар. Одамлар ичида эса «Каримов АКШга берилган Хонабод аэродромида кандайдир Пакдоналт номли овкат еб кетишга келган экан», деган гаплар юрипти.

25 декабрь 2001 йил


Австриядаги конкурсида узбек шоири голиб чикди
21 декабрь куни Австриянинг пойтахти Вена шахрида бу мамлакат шоирларининг йиллик конкурси натижалари эълон килинди. Конкурснинг чет тиллардан таржима килинган шеърлар булимида «Бирлик»чи шоир Ёдгор Обиднинг немисчага угирилган шеърлар китоби биринчи уринни эгаллади. Унга 20 минг Австирия шиллинги микдорида мукофот бериладиган булди.

Эслатиб утамиз, Ёдгор Обид 1989 йилдан бери «Бирлик»нинг энг фаол аъзоларидан, узбек зиёлилари тарафидан 1992 йилда тузилган «Корабогга ёрдам» комитетининг раиси килиб сайланганч, 3 марта камалди, «Бирлик»чиларнинг талаблари билан озод килинди. Аммо у хукуматниг талаби билан бу комитетни таркатиб юборишга рози булмагач, янги камалиш хавфи остида колди ва «Бирлик» Марказий Кенгашининг карори билан мамлакатдан чикиб кетган биринчи замонавий сиёсий мухожир булди. Бир йилча Бокуда, сунгра Москвада яшади. 1996 йилдан бери Австриянинг Готсиз шахрида яшамокда ва ишламокда.

26 декабрь, 2001 йил


«Узбегим, жон, узбегим»
26 декабрь куни эрталаб соат 9да Тошкентнинг Чорсу бозорида мусулмон аёлларнинг норозилик чикишлари булди. Узбекистон камокхоналарида хамон исломий махбусларга нисбатан тухтатилмаётган кийноклар, зуравонликлардан безиб, хаётларини хавф остига куйиб булса-да бола-чакалари билан кучага чиккан 20 нафар аёл бир соат давомида атрофга тупланганларга баланд овозда хукуматдан норозиликларини баён этишди. Бу ерга етиб келган Хьюман Райт Вотч ташкилотининг Узбекистондаги вакили Матильда Богнер, «Бирлик»чи хукук химоячиси Васила Иноятова, Би-би-си ва Озодлик радиосининг узбек, тожик, козок, киргиз шуъбаларининг журналистлари аёллар билан сухбатлар утказишди. Бир зумда атроф бир неча юз милиция ходими билан куршаб олинди. Уларни олиб кетиш учун автобус ва машиналар шай килинди. Аёлларнинг журналистлар билан сухбатлашаётганидан газабга келган милиция ходимлари уларни куч билан торткилаб автобусларга тикишди. Кий-чув бошланди. Аёлларнинг дод-фарёдига болаларники кушилди. Нима булаётганига кизикиб келганлар автобусни ураб, милиция ходимлари билан олиша кетишди. Милиционерлар уларга хам ташланишди. Ушланган ушланди, эпчиллари кочиб кутилди.

Энг дахшатлиси, милиция ходимлари беш кадам нарида аудио кассеталар сотаётган йигитни мажбурлаб, радиокарнайининг овозини роса баланд килдиришди. Шерали Жураевнинг «Узбегим жон, узбегим» кушиги остида аёлларнинг милиция томонидан калтакланиши Чорсулик тижоратчиларнинг эсидан чикмайдиган булди. Журналистлардан баъзи бирлари, бундан роппа-роса 12 йил мукаддам, хукумат «Бирлик»нинг «Узбек тили – давлат тили» шиори остидаги митинги бузиш максадида талабалар учун Шерали Жураевнинг текин концертини уюштирганини эсладилар.